[A:266b]ris gzhi sde mkhan po rje mkhas grub pa/ skyid tshal 'og gi mkhan po rje blo gros chos 'phags dang / rje blo gros rnam rgyal/ gser mdog can gyi mkhan po karma bzang po/ bya rgod gshong gi mkhan po 'ga' rong pa/ gdong dga' slob dpon pa kun dga' mchog ldan/ chos 'khor lhun po'i mkhan po lha btsun grags pa/ shAkya bsam grub/ ngag dbang grags pa rnams dang / gra thang mkhan po sde bdag chos rje khu dbon gnyis/ paN chen bde ba'i rdo rje/ bsam yas rab byung mkhan po rje gser sku ba/ gter ston zhig po gling pa/ gter ston shes rab 'od zer/ dpal 'khor chos sde'i mkhan po 'phags pa tshul khrims pa sogs mkhas grub kyi slob ma mtshan grags dang ldan pa bsam gyis mi khyab pa dang / gzhan yang gdan sa chen po'i brgya dpon/ las chen sogs/ mdor na bstan pa rin po che la bya ba mdzad nus pa'i skyes bu du ma zhig byon nas/ bde bar gshegs pa'i bstan pa rin po che ches cher gsal bar gyur pa ni kun gyis mngon du gyur pa 'di yin la/ de ltar 'chad pa nyi ma'i 'od zer gyis gdul bya skal ldan gyi blo gros kyi padmo ches cher bzhad par mdzad pa'i bdag nyid chen po 'di nyid kyis phyi rol du bstan 'gro'i don rgya chen po mdzad pa'i ring nas nang du ting nge 'dzin bsam gyis mi khyab pa thugs rgyud la 'khrungs nas grub pa'i rtags mtshan bstan pa'i tshul bsam gyis mi khyab pa zhig yod mod/ khyad par dpal gro stag tshang seng ge bsam grub tu phebs nas grub pa'i mtshan ma brnyes pa'i tshul ni/ bdag nyid chen po 'dis slob dpon chen po padma