[A:260a]mdzad pa yin la/ de dag gi skabs shig nas bsam yas kyi sa skyong chen po tshe dbang rdo rje zhing gzhan du gshegs pa la brten/ de'i gshegs rdzong la bdag nyid chen po spyan 'dren gyi pho nya mngags pa na/ bdag nyid chen po 'dis kyang chos rgyal chen po de la thugs brtse bas phebs par zhal gyis bzhes pa gnang nas/ de mthun gdung sras 'jam pa'i dbyangs dbang po'i mtshan can nyid kyang / lo nas spyan snga rin po che'i drung du rab tu byung bar bzhed de/ yab sras lhan cig tu dbus phyogs la chibs kha bsgyur nas snar thang / ngor e waM chos ldan/ gzhis dga' bsam 'grub rtse/ rin spungs/ gong dkar rdo rje gdan/ bde mchog srin po ri rnams su mar lam phebs nas/ de dag tu gnas pa'i skya ser rnams la zab rgyas dam pa'i chos kyi bka' drin gzhal du med pa stsal te/ rim gyis bsam yas mi 'gyur lhun gyis grub pa'i gtsug lag khang chen por phebs nas/ chos rgyal tshe dbang rdo rje pa'i dgong rdzogs kyi tshogs dbus dang lam ston sogs mdzad skabs/ chos skyong chen po'i lcog lha'i pho brang du bdag nyid chen po spyan drangs te/ chos skyong chen pos sngon slob dpon padma'i zab yangs mthil 'di la sa chog dang rab gnas mdzad pa bzhin/ sa skya pa chen pos kyang gtsug lag khang dang mchod rten rnams la rab gnas mdzad na bod khams kyi bde skyid la phan pa yod ces zhus pa na/ bdag nyid chen pos kyang yab sras lhan cig tu rdo rje phur pa'i sa chog dang de la brten pa'i rab gnas rgyas par mdzad de/ de'i dus su tshogs tha ma dgra