[A:249a]kyi phyag len phra mo rnams kyang shin tu nges par mdzad nas/ dus phyis rjes 'jug rnams kyi don du so so'i yi ge sa lo chen po'i phyag len bzhin bkod par mdzad pa yin la/ de ltar bdag nyid chen po khu dbon gnyis lhan cig bzhugs pa'i bstan pa rin po che 'phel rgyas su mdzad pa'i skabs nas chu mo sbrul gyi lo/ sa lo 'jam dbyangs chen po nyid/ zhing khams gzhan du 'byon par nye ba na/ bdag nyid chen po 'di la spyan cher gzigs nas/ /ngag gi dbang po byis pa'i snang ba ma byed ang / dpal sa skya'i sde bstan pa 'di chags sam 'jig khyed la rag las pa yod do zhes gsungs pa ltar gyi bka' chem thugs kyi dkyil du bcang ste/ dpal ldan sa skya'i bstan pa rin po che yar ngo'i zla ba ltar 'phel rgyas su mdzad pa yin te/ de nas bdag nyid chen po 'di dgung lo nyi shur ma son tsam gyi skabs su sa lo chen po zhing gzhan du gshegs pas thugs shin tu gdungs par gyur pa dang / mi srun pa 'ga' zhig gi spyod tshul la thugs 'byung bar gyur nas/ byas 'gyur rdo rje'i brag rdzong du phebs nas lam zab mo bla ma'i rnal 'byor dang / lam gyi thun bzhi la dbang len pa gtso bor mdzad de/ aShTa 'bum phrag so gnyis sbyin sreg dang bcas pa mdzad pa'i tshe/ lan cig tho rangs kyi tshe byas 'gyur gyi shar phyogs kyi nam mkha' la 'ja' 'od 'khyil pa'i dbus su sa lo thams cad mkhyen pa nyid zhabs rdo rje skyil krung dang / phyag gnyis rdor dril thugs kar bsnol nas bzung ba zhig gsal por gzigs te/ dad gus cher g.yos nas/ rgyal ba'i mkhyen brtse ma