[A:240b]dang bcas gshegs par gyur to zhes bshad pa yin no/ /de lta bu'i bdag nyid chen po de'i gcung che ba/ bdag chen ngag gi dbang phyug grags pa rgyal mtshan dpal bzang po ni gzhon nu nyid nas rab tu byung ste/ slar yang mkhan chen bsod nams lhun grub kyi drung du bsnyen rdzogs mdzad cing / mkhas pa'i bya ba 'chad nyan gyi sgo nas thub bstan rnam rgyal dang / dpal rnam dga' ba gdong rnams kyi gdan sa mdzad nas bstan pa rin po che dar bar mdzad pa'i ring nas thugs dam zab mo la yang shin tu brtson/ de dag gi skabs nas gcen sa lo tsA ba 'jam pa'i dbyangs kun dga' bsod nams dang / yongs 'dzin dkon mchog 'phel ba rje btsun sangs rgyas rin chen sogs mkhas grub mang du bsten nas gsan pa rgya mtsho'i pha rol du son pa mdzad cing / bla ma la brtan bzhugs 'bul tshul sogs sngon med pa'i gsung rab kyang 'ga' zhig mdzad/
mdor na sku tshe ril por bstan pa dang sems can gyi don 'ba' zhig gis dus 'da' bar mdzad nas mthar ngo mtshar ba'i ltas du ma dang bcas te gzugs kyi sku chos dbyings su bsdu ba'i tshul bstan cing / de'i gcung 'jam dpal grags pa bya ba yang / thugs dam la shin tu brtson zhing khams phyogs la 'gro ba'i don la phebs nas 'phrin las shin tu che ba'i ngang nas mdo khams su ngo mtshar pa'i rtags du ma dang bcas te zhi bar gshegs/ de'i gcung 'jam dbyangs tshe brtan bkra shis zhes bya ba ni/ spyir thugs dam zab mo'i rim pa la shin tu brtson zhing / khyad par chos skyong la mnga' brnyes/ de'i nang nas zhing skyong dur khrod