[A:220a]la cher ma phebs par gdan sa chen po dang stag tshang rdzong kha sogs su bzhugs nas/ gtsug lag khang dang dkon mchog gi rten gsum bzhengs pa dang dge 'dun gyi sde'i zhabs tog mang du mdzad ces grags la/ gzhan yang bdag nyid chen po 'di'i sku smad la stag lpags kyi ri mo'i sha mtshan yod par grags shing / sku lus bying yang rnal 'byor dbang phyug gi rnam pa 'dra ba yod par bshad de/ sku smad la stag ris kyi rnam pa 'dra ba'i sha mtshan yod pa ni bdag nyid chen po 'di nas bzung ste/ deng sang gi bar gyi dus mchod bla brang pa'i gdung rigs ma nyams pa phal cher la 'byung ba yin la/ de lta bu'i bdag nyid chen po de bstan pa rin po che'i bya ba rgya chen po zhig mdzad nas dgung lo zhe gnyis pa la rdzong dkar du sku gshegs pa'i tshul bstan cing /
kun dga' legs pa'i blo gros rgyal mtshan dpal bzang po/
bdag nyid chen po 'dis btsun mo gnyis khab tu bzhes pa'i dang po byang pa dpon nam mkha' tshe brtan pa'i lcam mo ma gcig lha rin bya ba la sras sku mched gnyis 'khrungs te/ de yang gcen po slob dpon chen po kun dga' legs pa'i blo gros rgyal mtshan dpal bzang po zhes bya ba ni/ yab grags pa rgyal mtshan dgung lo nyer gnyis pa sa mo bya'i lo gdan sa chen po 'di nyid du sku bltams nas/ gzhon nu nas bdag chen kun dga' rin chen pa dang ma ti paN chen gyi drung du rab tu byung zhing / chos rje bla ma dam pa dang / bla chen bsod nams blo gros/ bla ma mnyam med pa sogs gus pas bsten nas yab chos sogs dam pa'i chos la sbyangs pa rgya chen po mdzad de/ tshogs chen por tshogs