[A:219b]mdzad/ chos rje bla mas rin chen sgang sgos kyi gdan sar bskos nas/ gdan sa chen po/ bo dong e/ rta nag ri khung / shangs sreg shing / stag tshang rdzong kha/ bsam yas/ chos rdzong sogs su mdo sngags kyi 'chad nyan dpag tu med pa mdzad nas skal ldan mang po thar pa'i lam la bkod de/ snyan pa'i grags pas sa chen po khyab pa'i skabs su/ gong nas rgyal po chen po'i lung gis spyan 'dren gyi gser yig pa mngags nas gdan drangs te gong la phebs/ rgyal po chen po'i ti shrI mdzad cing rgyal blon 'bangs dang bcas pa thams cad bde ba la bkod/ de ltar mdzad pa rgya chen po zhig mdzad nas/ dgung lo so gcig pa la me tog ra ba'i sde chen por ngo mtshar ba'i ltas du ma dang bcas te zhi bar gshegs/
bla chen bsod nams blo gros pa sku mched gsum gyi bar pa gzhon nu la gshegs shing /
sa'i len dbang grags pa rgyal mtshan/
gcung ni sa'i len dbang grags pa rgyal mtshan zhes bya ba ste/ bdag nyid chen po 'di ni me pho byi ba'i lo la stag tshang rdzong khar sku 'khrungs shing / chos rje dpal ldan bla ma dam pa/ gcen bla chen bsod nams blo gros/ rgyal ba brag phug pa/ mnyam med chen po sogs bla ma dam pa mang du bsten nas yab chos kyis thog drangs chos tshul mang du gsan cing thugs su chud par mdzad/ dpal ldan bla ma dam pa'i drung du rab tu byung ba mdzad de/ rtsa ba'i rgyud brtag pa gnyis pa sogs dam chos mang du gsungs pa na/ gong nas sa'i len dbang gi mtshan dang gser dam tho shu dang bcas pa phul/ rgyal khams 'grims na sdig pa che gsungs nas sa phyogs gzhan du 'gro don