[A:209b]ma yin pa'i yon tan dpag tu med pa mnga' bas bstan 'gro'i don rgya chen po zhig mdzad nas/ de nas sku mya ngan las 'da' ba'i tshul ston pa dang nye ba na spyan snga kun dga' rgyal mtshan pas rje 'di'i zhabs drung du dam pa'i chos kyi bka' mang du nos te zhabs drung nas phyir yong ba'i skabs su spyan snga bas/ da dung zhabs drung du mjal bar zhus pa na/ rje'i gsung gis/ da rang nyer dgu'i zla ba yin chen po rang e sdod mi shes snga sor lab pa rnams sems la zhog ces gsungs pa dang / gzhan yang gdul bya 'ga' zhig la na ning shang du phyin dus/ shang phu'i zam 'tsher la kha na 'ja' 'od dpag tu med pa 'khyil zhing 'khrigs pa'i gseb na bud med mang po zhig 'dug pa de rnams kyis nged la bde ba can du 'gro zer ba sogs kyi cho 'phrul du ma byung / de dus 'dun pa cig byas pas khyed kyis lo brgyad cu thub zer ba'i lung bstan cig byung bas da bar bsdad/ da rang yun ring sdod pa'i nges pa med ces gsung ba sogs zhing khams gzhan du gshegs pa'i gsung 'ba' zhig stsal zhing / de'i skabs su dbus gtsang gi sa phyogs kun tu sgra dang rol mo la sogs pa ltas mang du byung ba kun gyis mngon sum du mthong zhing thos pa byung zhes kyang grags te/ de dang mthun par bdag nyid chen po 'di nyid 'gyur med rdo rje'i sku brnyes pas snyung ba mi mnga' yang / gzhan snang du snyung ba'i tshul ston par mdzad pa na sman pa mkhas pa rnams kyis gsol sman zhu ba dang / dge 'dun 'dus pa rgya mtsho rnams kyis gsung sgrog la sogs pa sku rim rgya chen po bsgrubs/ drung na gnas pa rnams kyis kyang