[A:210a]zhabs tog la rtse gcig tu 'bad kyang / gzhan ngor snang tshul bsam gyis mi khyab pa ston pa'i phyir sku khams la skyed du mngon pa cung zad kyang ma byung ba na/ slar yang sku rim rgya chen po bsgrubs pas/ rje'i zhal nas sngar lung bstan la lo brgyad cu yod pas/ da dung lo 'ga' bsdad kyang btub mod/ 'on kyang rten 'brel 'ga' zhig gi rgyus da lo cis kyang 'gro bar 'dug pas khyed rang rnams rim gro byas ma byas ni med/ byed na yang khyed rang rnams dbang btsan/ 'o skol tshe dang / tshul khrims/ 'phrin las rnams mthar phyin pa yin pas sems phral dang mya ngan smre sngags sogs gtan ma byed par dga' spro gyis la gsol ba thob ces gsungs shing / ji srid snyung ba'i bar la yang thugs dam gyi khrigs rnams gtan nas ma chag par mdzad pa'i ngang nas/ sangs rgyas kyi zhing khams ya mtshan can du ma dang / bla ma dang lhag pa'i lha bsam gyis mi khyab pa dang / dag pa'i zhing du spyan 'dren pa'i lha tshogs mang pos bsu ba'i bkod pa la sogs pa gzigs snang khyad par can du mas dus 'da' bar mdzad cing / de nas rtag 'dzin can rnams skyo ba bskyed pa dang / le lo can dag dge ba la bskul ba'i phyir dang / zhing khams 'di bas gzhan du 'gro don rgya che ba la dgongs nas chos rje nyid kyis dgung lo bdun cu rtsa bdun bzhes pa shing mo sbrul gyi lo zla ba bdun pa'i tshes bcu'i nyi ma rtse shar la/ dkon mchog la mchod pa rgya chen po shoms shig gsungs nas/ zhabs rdo rje'i skyil mo krung mdzad phyag gnyis rdo rje dril bu thugs kar bsnol