[A:207b]na/ bdag nyid chen po 'dis bla ma'i rnal 'byor bsgom zhing gsol ba btab pas/ rje thams cad mkhyen pa bsod nams rgyal mtshan de nyid na bza' jus dur kha'i zla gam gsol ba/ dbu zhwa ltebs zhwa mdzad pa gsal po mngon sum du byon nas/ chos kyi sgo du ma ston pa la sogs pa byin rlabs kyi 'jug sgo ngo mtshar ba 'ga' zhig byung zhes gsungs shing / de'i nyin par nyan po ba'i gdan 'dren byung ba la/ mnal lam gyi rten 'brel sogs kyis phebs pa'i zhal bzhes gnang ba yin zhes gsungs shing / yang phyis lha chen du bzhugs pa'i dus gcig sa skya pa chen po mngon sum du phebs pa la rje 'dis mos gus tshad med pa 'khrungs te/ ting nge 'dzin gyi sgo nas phyag dang mchod pa phul nas zhabs drung du 'byon par gsol ba btab pas/ rje sa chen zhal 'dzum pa cig mdzad nas ci yang mi gsung bar rgyang je ring je ring la bzhud de mthar mi snang bar gyur ces kyang grags so/ /yang lhag pa'i lhas zhal gzigs pa'i tshul ni/ lha khang bla brang du bzhugs pa'i skabs shig mnal lam du/ 'khor lo bde mchog sku mdog sngon po zhal gsum phyag drug pa/ zhabs g.yas brkyang du bzhugs pa shin tu dwangs pa cig gzigs nas/ de la mos gus chen por phyag 'tshal zhing yod pa na/ de'i 'khor bud med dmar tshal ma cig rje 'di la bltas nas/ ka ra ka ra la sogs pa'i gsang sngags bzla ba dang / yang de'i khrod nas bud med gzhon nu lha'i gos sna tshogs kyis bklubs pa cig gis gar sna mi gcig pa mtha' yas pa bsgyur zhing / kha cig gis shin tu snyan pa'i gdangs