[A:203a]gnas/ skyid shod kyi pha bong kha/ chos rdzong la sogs pa rnams su yang bla ma dge ba'i bshes gnyen sde snod 'dzin pa la sogs pa dge 'dun dang skye bo'i tshogs bgrang ba las 'das pa la zab pa dang rgya che ba'i chos kyi 'khor lo du ma bskor ba mdzad/ de nas slar gtsang phyogs su phebs nas gdan sa chen po dang / ngam ring dga' ldan byams pa'i gling sogs su dam pa'i chos kyi dga' ston zab mo dang / zang zing gi sbyin pa la sogs pa lugs gnyis kyi sgo nas skye 'gro rnams kyi yid rab tu tshim par mdzad pa'i tshul brjod par mi nus pa lta bu zhig mdzad pa dang / khyad par gdan sa chen por rje btsun gong ma lnga'i bka' 'bum bzhengs pa dang / dpal 'khor lo bde mchog dges pa rdo rje/ bcom ldan 'das kun rig rnams kyi dkyil 'khor rin po che sna tshogs las grub pa'i blos bslang sogs dang / gzhan yang dbus su gshed dmar gyi blos bslang khyad par can dang / gos dar sna tshogs pa las grub pa'i chos skyong gi sku ngo mtshar ba la sogs pa sku gsung thugs kyi rten bsam gyis mi khyab pa bzhengs te/ rab tu gnas pa rgyud sde nas ji ltar 'byung ba bzhin mdzad pa na/ de'i dus su me tog gi char chen po bab cing / gzhan yang phyag nas gtor ba rnams kyang phyag zhabs sogs kyis yun ring du bzung ba/ mchod pa'i dkar me yun ring du gsal bar 'bar kyang dma' ru ma song ba sogs ngo mtshar ba'i ltas kyang bsam gyis mi khyab pa byung zhes kyang grag go /de ltar gdan sa chen pos thog drangs dbus gtsang gi sa'i cha la gnas pa'i