[A:190b]gyi nyams snang la mgon po'i las mkhan rnams kyis gser gyi mchod rten chen po 'od 'bar ba zhig dum bur gtubs kyin 'dug pas nang thams cad sol ba dang lham krad kyis brgyang 'dug pa gcig byung ste/ de'i tshe dgun shin tu grang ba'i dus yin kyang / nam phyed zin la khad pa tsam gyi tshod la dpal ldan sa skya'i bstan srung dbang po rnams kyi cho 'phrul gyi sprin nag po shin tu 'jigs su rung ba dpag tu med pa glo bur du nam mkha' la 'dus te/ skyid 'phan gnyis char du tshor ba'i 'brug gi sgra shin tu grag pa dang / glog gi 'od 'khyug pa dang bcas rbod gtong byed pa'i byad ma de'i mgo la gnam lcags kyi thog chen po mi bzad pa babs pa nas/ las ngan pa'i sbyor ba byed pa'i lus dang phral nas/ sems nyid dag pa'i zhing du skad cig de nyid la spor bar mdzad pa dang / gzhan yang chos grwa chen po de nyid du zab rgyas chos kyi sgron me sbar te/ rong ston thams cad mkhyen pas bstan pa'i srog shing 'dzugs par mdzad do/ /de ltar mthu dang nus pa'i sgo nas grub pa'i mtshan ma bsam gyis mi khyab pa zhig bstan cing / gzhan yang mkhas pa'i bya ba rnam pa gsum gyi sgo nas kyang bstan pa rin po che ches cher gsal bar mdzad pa zhig ste/ de yang bdag nyid chen po 'dis snga phyir gsung ngag rin po che'i tshogs bshad dang / slob bshad 'dres pa'i tshar nyi shu rtsa grangs tsam gyis thog drangs/ sde snod gsum dang rgyud sde rin po che bzhi dang 'brel ba'i chos kyi sgo mtha' yas pa stsal nas 'gro ba mang po smin cing grol bar mdzad pas bka' drin thob pa'i zhal slob kyang sa chen po'i rdul tsam