[A:19b]dang / rgyud kyi bshad pa lugs gnyis man ngag phra mo dang bcas pa dang / nA ro ta pa'i gur dang / byang chub sems dpa'i 'grel pa gsum yan lag dang bcas pa rnams dang / jo bo rin chen bzang po nas brgyud pa'i bde mchog rtsa rgyud/ slob dpon ko ka na rgyal ba bzang po'i skor/ 'grel pa gsum/ dkyil chog sgrub thabs bstod pa dang bcas pa dang / jo bo rje las brgyud pa'i bde mchog rtsa rgyud/ 'grel pa/ sgrub thabs kyi gleng gzhi dang bcas pa dang / a bhi dha na la sogs pa'i yan lag rnams dang / mi g.yo ba dang / phyag na rdo rje la sogs pa dang / sgrol ma'i sgrub thabs yan lag du ma dang bcas pa dang / yang bde mchog sdom 'byung / kha che rin chen rdo rjes mdzad pa'i sgrub thabs yan lag du ma dang bcas pa dang / dbu ma rigs tshogs dang / mdo kun las btus dang / bstod pa'i tshogs rnams kyi rtsa ba dang 'grel pa phra mo rnams kyang gsan nas khongs su chud par mdzad do/ /de'i tshe bla mas chos rnams tshar re la mkhyen pa dang / mal gyis thugs su ma tshud pa'i tshul mdzad de/ la las ni mi tshe phyid pa'i chos la la las tshar res shes su re ba gsungs nas bkyon skad/ lan cig bla chen 'di med par mal lo dpon slob tshos rtog bdun gyi sngags shig thu yin 'dug pa dang / slob ma tshos ma shes ba la/ bla chen gyis der byon nas de la tshegs med 'di ltar byas na mchi byas pas bla ma kyag gis bzhengs nas/ shes na dga' ba tshos mi shes/ ma shes na dga' ba tshos shes 'dug gsungs nas gshegs song ba dang / der bla ma 'di