[A:19a]chen la shog gsungs pa byung nas byon pas sgyi chu ba gshegs nas ma mjal ba dang / bla mas khyod rab tu byung la 'khon tsho'i sde 'di skyong gsungs pa'i gsung bzhag pa'i zhal chems de bzhin du sgyi chu ba'i gdan sa bla chen la gtad/ de'i rjes kyi bya ba rnams tshar nas sa skyar byon te/ bla ma'i gsung bsgrub pa'i ched du rab tu byung dgongs nas na bza' ser chas bsgrubs pas/ bla ma gnam kha'u pas gsan te shog gsungs byon pas/ khyod ser chas bsgrubs nas ci byed gsungs/ rab tu byung ba lags byas pas ma byed gsungs/ bla ma sgyi chu ba'i gsung yin zhus pas/ bla ma mnyam po la khong gshin po'i kha chems pas/ nga gson po'i ngag la nyon/ rab tu ma byung ba bstan pa dang sems can la phan che ba cig yong gsungs nas ma gnang / rab tu byung ba ma gnang yang 'khon tsho'i dpon ni mdzad de/ /de nas bla chen 'di'i bla ma sgyi chu ba de bla ma mal gyi slob ma yin pas sgyi chu ba'i bde mchog gi phyag dpe rnams bsnams nas gung thang na la rtse gnas gsar du byon te/ bla ma mal la bde mchog rtsa ba dang bshad pa'i rgyud/ rdo rje mkha' 'gro/ /a bhi dha na/ he ru ka mngon 'byung / kun spyod/ sambu Ta/ rnal 'byor ma bzhi kha sbyor/ mkha' 'gro ma mngon 'byung / rdo rje mkha' 'gro dang kun spyod gnyis kyi 'grel pa lo hi pa'i yan lag phra mo dang bcas pa/ dril bu yan lag dang bcas pa/ nag po chos drug nA ro mkha' spyod/ rtsa dbu ma'i man ngag phra mo dang bcas pa dang / gshin rje gshed nag po rgyud gsum 'grel pa dang bcas pa