[A:190a]brnyes pa la sogs pa ngo mtshar ba'i rtags du ma byung zhing / de nas rong ston thams cad mkhyen pas 'debs par mdzad pa'i chos grwa chen po dpal nA lendra'i gtsug lag khang de nyid du rong ston nyid nas gdan sa rim pa bdun song ba'i mtshams su/ gzhan phyogs kyi bstan 'dzin gyi gzugs su rlom pa'i ma rungs pa'i sems can 'ga' zhig gis grub mtha'i kun slong ngan pa zhe la bzhag nas/ chos grwa der bzhugs pa'i bla ma/ slob dpon/ mi sna drag gtogs/ mdor na khang khyim tshun chad ma rung par byas te nyam thag pa'i tshe/ rje 'di dang rdo rings kun spangs pa gnyis kyis gsang thabs su phebs te/ mkhas grub chen po mkhyen rab rin chen mchog grub dpal bzang po rong ston chen po'i rgyal tshab tu mnga' gsol/ lhag par de'i skabs su phrag dog gis rang nyid shin tu myos shing rang dbang mi thub pa'i gzhan phyogs kyi bshes gnyen du khas 'che ba'i chos rje smon lam pa bya ba des/ ngan g.yo'i sbyor ba mngon mtshan can 'ga' byas shing / rje 'di la yang deng sang nA lendra na sa skya pa'i btsun chung tshe zad cig sleb yod pa 'dug zer ba sogs rlom sems kyi tshig ngan 'brug ltar bsgrags pa'i tshe/ de dag la thugs brtse bas nye bar dgongs te/ rje nyid kyis gnas der ched du gtad pa'i thugs dam mdzad cing / dro sa'i phug ser du mgon po'i gtor chen mdzad pa'i tshe nub gcig mnal lam du/ phug pa'i rtsa bar nged 'di lta bu'i mi drag pa rang bcu gnyis shi zer ba'i dud mo'i sgra lhang lhang ba byung zhing / rje 'di nyid kyi thugs dam