[A:169b]pa la 'tshal pas ra ga brag tu spyan drangs te 'dod chos 'ga' zhus pas/ de'i skabs kyi tho rangs kyi cha cig la/ rje nyid kyi mnal lam du dga' ldan nas yong zer ba'i lha'i bu rgyan dang bcas pa mang pos rol mo la sogs pa mchod pa'i bye brag bsam gyis mi khyab pa dang bcas te/ rin po che'i khri yangs shing rgya che ba rgyan dpag tu med pas spras pa cig khyer byung nas/ dga' ldan du gdan 'dren pa yin zer ba'i snang ba cig byung nas/ des rkyen byas byams mgon la mos pa drag po cig skyes pas/ mjal spro ba'i 'dun pas nyid kyis kyang 'byon par zhal gyis bzhes pa snyam mdzad pa zhig byung gsung bar grags shing / de nas chos rdzong du 'byon pa'i lam du slob dpon yon tan rgya mtsho ba snyung ba sbang 'deg gi gral dbus la gsang phur gdan drangs pa'i dus su cha pa'i sku 'bum dang mjal nas/ da lan khong gis bos pa 'dis go bcad/ de min cha pa'i sku 'bum dang mi mjal bar 'dug gsungs nas mnyes tshor chen po mdzad/ de nas chos rdzong du phebs pa'i tshe bla ma gzhon nu rgyal bas mjal ba la byon pas/ chos rje'i zhal nas/ zhag 'ga' bzhugs mdzod gsung gleng 'dra yang yod cing / yang yang e 'phrad mi shes gsungs te zla gcig tsam bzhugs pa'i skabs su shin tu dges pa'i gsung gleng mang po zhig mdzad/ khyad par chos rje'i zhal nas bde ba can na sa chen yab sras kyang bzhugs pas/ rang res kyang snga phyi thams cad du bde ba can du skye bar smon lam btab pa yin na'ang / byams chos 'di rnams la thos bsam byas pa'i mthus yin nam/ kha