[A:169a]rlung sbyor gtso bor mdzad/ rlung sbyor grub nas gang byung tshad kyi lta ba bskyangs pa la nyams len grub tshad re byas zhes rje rang nyid kyis gsungs pa ltar/ chos thams cad la mtha' bral gyi lta ba'i rgyas 'debs pa mdzad/ de nas tsha gong du rje sa skya pa'i phyag srol gyi dkar gtor cha bzhi dang / dzambha la la chu 'bul ba la sogs pa mdzad/ de nas nyin gung gi cha la 'chad rtsod rtsom gsum gyi bya bas dus 'da' bar mdzad pa'i bar rnams su gtor ma brgya rtsa rim pa gnyis/ dbyu gu drug cu rtsa bzhi/ mi g.yo ba/ sgrol ma/ 'od zer can/ thun gtor/ gzungs gtor rnams mdzad/ de rnams grub nas mdo sgrub nyer gcig gam bdun re gang 'grub re dang / sgrol ma maNDal bzhi pa dang / 'od zer can gyi bsgom bzlas rnams ma chag par mdzad cing / dgongs mo'i dus kyi tshe bde kye gnyis gang rung gi bdag bskyed la brten nas/ dbang rgyas bsdus gnyis gang grub re ma chag par len par mdzad/ gzhan yang nA ro mkha' spyod kyi byin rlabs brag phug pa la gsan pa nas zhag re la bsnyen pa ma chag par mdzad pas/ rje btsun rin po che la mkha' spyod mas spyan 'dren gyi pho nya byung ba ltar/ rje 'di la yang gdan kha 'dra cig 'dug pa na mi kha cig gis 'di la bsdad na mkha' spyod du 'gro zer ba'i snang ba yang byung bar bshad pa la sogs pa/ de ltar rang dang gzhan gyi don rgya chen po zhig bsgrubs nas/ de nas bdag nyid chen po 'di zhing 'di bas zhing khams gzhan du 'gro don che bar dgongs nas gzhan du 'byon pa dang nye ba stag lo zla ba dgu