[A:168a]'bum cha gnyis kyis mgo drangs nas/ gzungs 'bum thams cad phyogs gcig tu byas pa la rgyas 'bring bsdus gsum/ mthar bkra shis bsngo ba smon lam gyis brgyan pa/ smon pa sems bskyed kyi cho ga rgyas 'bring bsdus gsum/ 'jug pa sems bskyed kyi cho ga mkhan po zhi ba 'tsho'i bstod pa/ drung don yod pa la bstod pa/ thub pa'i bstod pa mkhas pa'i yid 'phrog de'i sa bcad/ sgrol ma'i bstod pa/ lo tsA ba blo gros brtan pa la springs yig rgya ma rin po che la springs yig 'bri khung bla ma kun rgyal la springs yig 'tshal pa kun dga' rdo rje la springs yig la sogs pa spring yig la sogs pa springs yig gi skor thor bu ba mang po dang bcas pas rgyal ba'i bstan pa rin po che nyin mo ltar ches cher gsal bar mdzad pa ste/ de ltar chos kyi sbyin pa rgya chen po zhig gi sgo nas skye dgu rnams thar pa'i lam la bkod nas/ zang zing gi sbyin pa yang snga phyir longs spyod kyi dngos po ci byung ba thams cad kyang dkon mchog gi zhabs tog rgyal ba'i sku gsung thugs kyi rten bzhengs pa/ bla ma gong ma zhi par gshegs pa rnams kyi dus mchod/ zhal mngon du gyur pa rnams la 'bul ba dge 'dun gyi zhabs tog skye bo phal pa rnams la rigs med kyi sbyin pa la sogs pa gzhan don kho na las/ rang don du cung zad tsam yang mi 'dzin pa dang / khyad par dpal ldan sa skya'i byang phyogs kyi mkhas grub kyi skyes bu rgyun mi chad par 'byon pa'i dge 'dun gyi kun dga' ra ba bo dong er dgung lo drug cu re gcig tsam du phebs pa'i dus su mdzad pa'i chos