[A:166a]mthong bas/ dad brtson mchog dang ldan pa shes rab rdo rje de yid rang dbang med par dad nas grogs rnams der tsha ba byed par brtsams kyang khong gis myur ba myur bar chos rje'i drung du brgyugs te sgo drung du slebs pa na phyag rten 'bul rgyu cig bsam pas tshong bya rgyu'i maNDal cig yod pa dran nas de lag tu thogs pa na maNDal gyi rgyan gzhan ni med nga rang gi lag pa'i sor mo lnga bcad de mtho bong la ri bo mchog rab/ gzhan bzhi la gling bzhi byas la 'bul snyam nas rdo mkhregs pa cig kyang lag tu khyer nas/ chos rje pa'i sku mdun du slebs pa'i mod maNDal mdun du bzhag ste/ lag pa g.yas pas rdo de bzung nas the tshom med par lag pa g.yon pa'i sor mo la bsnun pas gung mdzub gnyis chad/ gzhan rnams ma chad pa tsam du gyur kyang / khong rang yid dga' spro dang bcas pa ma gtogs sdug bsngal cig kyang ma byung ba na/ chos rje nyid rtab rtab por gyur te phyag phyis kyi dar kha gang gis ser mo rnams dkris/ zhal chab mang po btab cing bzhag ste/ de'i nub mo nA ro mkha' spyod kyi byin rlabs gcig gnang bas/ zhag gcig gnyis nas sor mo rnams rma rjes med par sos te/ de nas dge bshes shes rab rdo rje de la dag pa'i snang ba dang byin rlabs nus pa dang ldan pa byung zhing / mi phyed pa'i dad pa brtan po thob ste/ mdor na de dag la sogs pa chos kyi snod dang ldan pa dpag tu med pa la zab dbyangs chos kyi 'khor lo rgyun mi chad pa bskor bas snyan pa'i grags pa phyogs kun du khyab par gyur te/ phyi rol pa'i bram ze'i rigs kyi paNDi ta chen po