[A:165a]dkyil 'khor kyi dbang dang / sgrub thabs dang / man ngag las tshogs dang bcas pa dang / bskyed rdzogs zab mo'i nyams len gyi khrid rim dang / gzhan yang so sor thar pa'i sdom pa 'bogs pa/ byang chub kyi mchog tu sems bskyed pa'i cho ga la sogs pa mdo sngags kyi chos kyi 'khor lo blos dpag par dka' ba zhig bskor nas/ gdul bya mtha' yas pa zhig smin grol la bkod pa yin te/ dus kyi 'khor lo'i chos 'khor bskor ba lta bu la mtshon na/ dgung lo lnga bcu nga bdun du phebs pa'i tshe/ snye thang du dbus gtsang gi sde snod 'dzin pa phal che ba 'dus pa'i dbus su/ spyir chos kyi 'bel gtam mang po mdzad nas/ bstan pa'i bya ba rgya chen po sgrub par mdzad cing / khyad par dpal dus kyi 'khor lo'i rgyud sde chen po dang / de'i 'grel pa dri med 'od la sogs pa'i bshad bka' dang lung bka'/ gzhan yang de nas bshad pa'i man ngag du ma dang bcas gnang ste/ dus 'khor gyi 'chad nyan cig la dbus su de las sde snod 'dzin pa'i tshogs 'du che ba ma byung bar grags pa dang / gzhan yang dgung lo drug cu re gcig tsam bzhes pa'i dus su gdan sa chen po dpal ldan sa skya nas byang phyogs su nyi ma gcig tsam bgrod pa'i sa'i cha/ lnga brgya dus kyi thams cad mkhyen pa paNDi ta 'bum phrag gsum pas byin gyis brlabs pa'i gnas bo dong e'i chos grwa chen por/ mkhas grub kyi skyes bu chen po phyogs las rnam par rgyal ba dang / skad gnyis smra ba'i dbang po bdag nyid chen po byang chub rtse mo la sogs pa bde bar gshegs pa'i