[A:164b]gsungs phul bas/ de la gnang ste phyis gsang phu brag nag gi gdan sa byas pas/ gsang sngags kyi lag len la de bas 'phrin las che ba med pa zhig byung ba dang / gzhan yang bla ma dpal ldan tshul khrims pa sogs mang po la mngon par shes pa'i sgo nas ma 'ongs pa lung bstan gyi tshogs bsam gyis mi khyab pa zhig mdzad/ mngon shes dang rdzu 'phrul thogs med du mnga' bas/ nang du ting nge 'dzin bsam gyis khyab pa las ma g.yos bzhin du 'chad rtsod rtsom pas rgyal pa'i bstan pa rin po che nyin mo ltar gsal bar mdzad pa yin te/ de yang 'chad pa nyi ma'i 'od zer gyis gdul bya'i blo gros kyi padmo rab tu rgyas par mdzad pa'i tshul ni/ spyir bdag nyid chen po 'di nyid kyis gdan sa chen po nyid dang / bo dong / sgro mon can/ gzhan yang mnga' ris gung thang / lha sa bsam yas/ snye thang chos rdzong / dgas po/ yar lung la sogs pa dbus gtsang mnga' ris dang bcas pa'i sa cha yul phyogs 'di nyid du ma byon bya ba cig kyang med pa lta bus phyogs mu mtha' dang bral ba'i skye bo rnams la byams pa'i chos lnga/ mngon pa gong 'og dbu ma rigs pa'i tshogs drug spyod 'jug tshad ma sde bdun gong 'og la sogs pa mtshan nyid phyogs kyi chos phal mo che zhig dang / gsang sngags rdo rje theg pa la yang dges pa rdo rje'i rgyud gsum/ bde mchog rtsa rgyud/ pha rgyud gsang ba 'dus pa/ rgya che ba gnyis med kyi rgyud/ dpal dus kyi 'khor lo'i rgyud sde la sogs pa gang la gang 'os kyi gdul bya'i blo dang 'tshams par rgyud dang / 'grel pa dang / de dag las byung ba'i