[A:160a]rtogs kyi yon tan khyad par che zhing chos brgyud kyang gtsang ba dang / phyag len rnams kyang 'di'i rnam par dag pa tsam gzhan gang yang med par mkhyen nas/ 'di nyid la phu dud du mdzad pa dang / chos kyang brgyud pa 'di la thob pa rnams mthil du mdzad pa yin zhes kyang grags so/ /de ltar bla ma de'i drung du zab cing rgya che ba'i chos skor du ma zhig gsan pa de'i dus su bla ma des sa skya pa la sngar yang bzang ngan gyi gnas tshul 'di lta bu byung zhes sngar byung gi tshul 'ga' re dang / da lo bcu tsam nas sa skya pa la 'di ltar 'byung zhes gsungs te ma 'ongs pa mang po lung bstan cing / khyad par du chos rje bla ma rang nyid la drung pa khyed la hor gyi gdan 'dren yong bar 'dug der byon na'ang 'gro don chen po 'ong / 'on kyang sku tshe thung bar 'dug 'byon mi 'byon khyed rang la dbang 'ong bar 'dug cing / spyir bstan pa la phan pa rgya chen po 'ong bar gda'/ khyad par du gsung ngag rin po che'i brgyud 'dzin chen por 'gyur bar gda' bas/ chos bdag po la 'phrod pa lags pas gsung ngag dar rgyas su mdzad pa zhu zhes lung bstan pa'i tshig mang po gsungs shing / gzhan yang bdag nyid chen po 'dis yongs 'dzin du ma zhig gus pas bsten pa'i nang nas/ rtsa rlung gi yon tan phul du byung ba las bde drod kyi nyams rtogs bsam gyis mi khyab pa mnga' ba'i bla ma sron pa chos dpal bzang po la sbyor drug gi khrid dang / khyad par khong pa rang gi srog rtsol thun mong ma yin pa rnams dang / gshed dmar lha lnga'i dbang dang / gzhan gshin rje gshed kyi man ngag