[A:155a]chod par mdzad nas/ gzhan la 'chad pa dang / rtsod pa dang / rtsom pa dang / rang don du bsgom pa la sogs pa bstan pa'i bya ba kho nas dus 'da' ba ste/ de'i skabs su gzhi thog pa mkhas btsun chen po de gzhi thog gi gdan sar bzhugs yod pa na/ bla ma 'di la zhal ta mdzad nas bla ma 'dis tshogs chen por rnam 'grel/ rigs gter/ mngon pa gong 'og mdo sde rgyan/ spyod 'jug thub pa dgongs gsal la sogs pa gsungs te nyin re bzhin dung theng bdun bdun bus nas/ chos thun bdun bdun dang / gzhan yang gang la gang dgos kyi chos kyi sbyin pa rgya chen po mdzad nas rgyal ba'i bstan pa nyin mo ltar ches cher gsal bar mdzad pas kun la 'jam pa'i dbyangs zhes grags shing / zang zing gi sbyin pa yang longs spyod kyi dngos po ci byung ba thams cad kyang dkon mchog mchod pa dang / dge 'dun gyi sde 'dzugs pa/ bstan bcos 'gyur ro cog bzhengs pa dang / gzhan yang skye bo sdug phongs rnams la sbyin gtong la sogs pa gzhan gyi ched kho na ma gtogs rang don du 'dzin chags cung zad kyang mi mnga' zhing / gzhan yang kha ba can gyi skye dgu rnams kyi bde skyid 'byung ba'i sgo gcig po ni rje btsun sa skya pa'i gdung brgyud rin po che 'di nyid yin pas 'di nyid kyang rgyun mi chad par 'byung ba'i phyir rigs kyi sras 'ga' zhig kyang bskrun par mdzad de/ phyis su mkhan chen bsod nams grags pa'i drung du gcung dang lhan cig bo dong bya rgod gshong du rab byung bsnyen rdzogs mdzad/ de ltar lugs gnyis kyi sgo nas rgyal ba'i bstan pa