[A:134a]lta bu mdzad pa yin la/ ngas kyang bstan pa'i bya ba dang sems can la phan pa ci nus ci tshul du bsgrub pa yin pas/ da ni khyod kyis kyang de bzhin du bya dgos pa go bar gyis shig ces gsungs shing / de nas bla ma 'di sngar sku phra mo'i dus su mnal lam du/ sba 'khar tshigs brgyad cu pa tshigs bzhi bcu zhe drug pa de 'khyog pa cig phyag tu byung nas nang par bdag nyid chen po sa paN la zhus pas/ tshigs grangs de rnams khyod kyi tshe'i mtshon byed yin te/ tshigs zhe drug pa cung zad 'khyog pa de lo der sleb pa na cung zad dog pa'i ltas yin pas de dus bzabs dgos zhes gsungs pa'i lung bstan ltar mya ngan las 'da' ba chen po ston pa'i dus dang nye bar gyur pa na/ bstan pa la dga' pa'i lha rnams kyis mngon par shes te/ skyes bu dam pa 'di lta bu mi bzhugs na sangs rgyas kyi bstan pa sus 'dzin ces pa'i mi dga' zhing mya ngan gyis mngon par non pa'i yid kyis ngu ba'i mchi ma'i char gyis sa gzhi chen po yang bang bar gyur te/ bya rnams kyang skad mi snyan pa sgrog cing / spu'i kha dog kyang phyin ci log pa la sogs pa du ma yang ston par gyur/ nyi ma'i dkyil 'khor yang 'od mi gsal zhing dus tshigs dang rgyu skar yang log par rgyu bar gyur/ skye dgu thams cad yid rnam par 'khrug cing myos nas/ bya ba dang bya ba ma yin pa mi shes shing phyogs bslad pa bzhin du gyur/ spong ba bsam gtan pa rnams kyi snying yed yed por gyur te/ sems rtse gcig pa mi thob cing / nyan bshad byed pa rnams kyang nyan bshad la spro ba med par/ bya ba dang bya ba ma yin