[A:126b]te/ 'di nyid kyis bstan pa'i rtsis mdzad pa las/ skye bo phal pa dang bcas pa 'bum du longs pa la dge slong rdo rje 'dzin pa 'phags pas byang chub kyi mchog tu sems bskyed pa byas pa'i nyin par bstan rtsis 'di yang yi ger bris zhes 'byung ba yin no/ /de ltar bdag nyid chen po 'dis chos 'khor rgya chen po zhag bcu bzhi'i bar du gnang ba'i zhag kha yar song ba dang / tho rangs kyi cha la rdul dang mi gtsang ba rnams mi chags pa byed pa'i rlung chen po zhig byung / me tog gi char pa dang kha ba gang yin ngo mi shes pa'i char pa rnams babs pas/ sa gzhi rnams snum ljang gi bag dang ldan par btang / sngar su'i yang sna'i dbang por ma son pa'i dri bzang po zhig kun gyis tshor bar byung / de nas 'du ba rnams 'dus pa'i nyi ma'i snga cha la nam mkhar 'ja' 'od kyi gur khyim nyis rim sum rim bzhi rim lnga rim du yod pa mang po dang / mchod pa'i bye brag dpag med du mthong ba ni mang zhing / gur khang gi nang na phyogs bcu'i sangs rgyas sras dang bcas 'od zer 'phro ba dang bcas bzhugs pa nam mkha' gang bar gyur pa ni/ dag pa'i snang ba gzigs pa'i yongs 'dzin bcu gcig yon khri chings sangs kyis gtsos pa'i chings sangs bcu gnyis sogs las dag pa rnams kyis mthong / de'i tshe chu mig khyams kyi yang thog tu kun rdzob kyi mchod pa sna tshogs bshams shing / gos 'jag la phyag zhabs dbu dang bcas pa'i rjes thags grub tu yod pa'i steng du 'phags pa'i zhabs bkod de/ gang gi thugs las byung pa'i kun tu bzang po'i mchod sprin dang bcas pas phyag phul te phyogs