[A:119a]kyang / nad tshabs chen cig gis lo skor du zin na sngar gyi dbris tsam yang med par grod skogs thab tu bsregs pa bzhin du bzhu nas cha ba yin gsungs/ de bzhin du lha so so'i zhag bdun gyi 'chi ltas byung bas sdug drags nas lus po dngos med du bzhugs nas cha ba yin gsungs/ yang 'khor ba la 'jug dong sprugs yong mi yong zhus pas/ 'di la thog ma med pa nas chos pa phyed kyis yong zer/ phyed kyis mi yong zer ba la lce zad pa lags skad/ lung gnyis ka la bdog don la mi yong ba lags gsungs/ 'o na sems can thams cad la de bzhin gshegs pa'i snying po ni yod par gsungs/ snying po yod tsa na 'jug thams cad sangs rgya ba las cang bdog gam/ yang sems can la gsar skye ni mi srid pa gda'/ 'khor ba na yod pa 'di rnams sangs rgyas byang chub sems dpa' re res kyang skad cig re re la'ang dpag tu med pa sgrol bar 'dug skad cig 'di la sangs rgyas la sangs mi rgya bya ba'i skad cig ni med par 'dug de tsam na mdzad pa las 'os cang bdog gam zhus pas/ de sems can la tshad cig yod na khyod kyi dug yin/ sangs rgyas re res sems can re re'i don las ma byung yang 'jug mdzad pa las 'os med de/ tshad med de nam mkha'i khams kyi rang bzhin de yang pha mtha' med/ sems can rang bzhin gang yin de yang pha mtha' med/ /bgyi ba nges pa'i lung yin/ 'di'i thad ka na sngon gangs pa she'u bya ba'i rigs pa ba chen po cig byung bas khong dong sprugs mi yong bar 'dod/ rigs pa re zhig 'ong