[A:116b]du pha rol phyin pa'i tshul/ /mgo dang rkang lag la sogs gtong pa'i tshogs/ /bla ma'i lam 'dis skad gcig gcig la gcod/ /bgyi ba gsang sngags pa dbang po rab bla ma dang slob ma rten 'brel 'dzom pa'i tshad sus kyang gzung du mi nyan lags/ rtag tu ngu brla sha med par btogs nas rus pa tsog tu rtsig pa'i drung du 'gro ba'i dus de na yon tan mang po rdzogs zin lags/ 'bru de bzhin mnan pas mi yong lags gsungs nas/ khyed kyi bka' gdams pa 'di tsho khyed rang gi jo bo yab sras dang sku mched la sogs pa'i brgyud pa gong ma grub thob rnams kyis kyang dbang sha stag bskur nas 'dug pas gong ma'i rjes su 'og ma slob tu gsha'/ rgyu rang dang mthun pa las 'bras bu rang dang mthun pa zhig 'byung ba nang pa sangs rgyas pa'i chos lugs yin/ rgyu dbang bskur la mi dga' bar 'bras bu bskyed rdzogs bsgom bzlas byed pa'i lugs gcig dar nas 'dug 'di ji ltar yin nam dbang dang sngags la mi mos na smon 'jug tu sems bskyed nas bslab pa gsum mam/ phar phyin drug gam/ chos spyod bcu la bslabs pas rim gyis sangs rgya ba yin/ lam bde/ 'jug pa bde ba yin pa la/ yang sngags la brten pa'i chag chog mang po byed pa gcig yod par 'dug de 'dra la mos na dbang bskur byed du thang / de rang tshig dang 'gal ba cig lags/ sangs rgyas kyi bstan pa bya ba ma 'dres/ ma nor/ tshang ba cig lam du 'gro ba lags/ yang da lta bla ma dang slob ma mtshan nyid dang ldan pa med pas dbang bskur mi byed do snyam na/ de sems