[A:116a]gnyis te/ sems rnam par g.yengs pas chud 'dza' pa'i gnyen por bsam gtan gsungs/ shes rab 'chal pa'i chud 'dza' ba'i gnyen por shes rab gsungs pas/ de ltar sems can rnams la skyon drug po de las med/ de'i gnyen por pha rol tu phyin pa drug po de las mang ba mi dgos/ nyung na mi chog pas drug tu grangs nges pa yin gsungs/ 'o na bcur gsungs pa'ang gda' ba zhus pas/ de shes rab la bzhir phye ba yin/ nang sel gyi dbye bsdu'i grangs nges la mi gnod gsungs/ bka' gdams pa kun gyi gsung sgros la sngags phar phyin gnyis nye ring med/ nan ltar byas na phar phyin lam nye zer nas rgyu mtshan rtag tu ngus lo brgyad la lam bzhi rgyud la skyes/ sngags ni dpon slob rten 'brel 'dzom pa cig gis bsgrubs na lo skor gcig na phyag rgya chen po'i dngos grub thob zer ba las med zer ba'i gsung sgros gcig gda' ba de rnams ji ltar mchi zhus pas/ bka' gdams pa 'di rmongs gtam gcig pu zer/ pha rol tu phyin pa sngags pas lam nye rang yin/ chos spyi'i skad la yang phar phyin ring / dkyil 'khor bde/ sngags myur/ thabs la mkhas na bde yang sngags bde/ dkyil 'khor yang sngags dkyil 'khor/ myur yang sngags myur/ rgyu mtshan lung rigs bskal par bshad kyang mi 'dzad/ sngags las dbang po 'bring dang tha ma la grub pa thob pa'i tshad gsungs pa yod/ dbang po rab kyi gang zag la phar phyin pas skye ba dpag tu med par dka' thub byas pa thams cad skad cig la bcad du btub ste/ bskal pa stong