[A:110a]ba gcig la nyes pa bskyed/ zhe sdang gi tshad nang du ma ran pa'am phrag dog la sogs pa nyon mongs pa gcig gi kun slong gi sgo nas ku re'am rjes zlos lta bu la dngos gzhi mi bskyed/ tshigs su bcad pa ma yin pa la nyams pa rnam pa bzhi bskyed pa cig dgos/ shes chung dang gzugs ngan zer ba tsam la dngos gzhi mi bskyed nyes pa tsam 'ong gsungs/ skyabs 'gro la mkha' ru ba thun tshod bzhed la/ po to ba mi bzhed/ don la thun tshod e mchis zhus pas/ thun mong ba la mi yong / khyad par can la rtsi ba cig 'ong ba yin gsungs/ de gnyis min pa'i skyabs 'gro la dbye ba e bdog zhus pas/ chos rje pa'i bzhed kyis bzhir byed/ 'jig rten pa dang / 'das pa gnyis/ 'jig rten pa la 'phags pa dang mchog gnyis/ 'das pa la thun mong ba dang khyad par can gnyis yin/ de la 'jig rten pa'i skyabs 'gro phal pa de/ 'jig rten pa nyag gcig gis skyabs su 'gro 'jig rten pa'i mchog de 'jigs pa'ang yod mod/ de 'dod pa nyag gcig gis 'gro 'das pa'i thun mong ba la de gnyis kyang yod mod de/ dad pa nyag gcig gis 'gro khyad par can la 'jigs pa dang / 'dod pa dang / dad pa gsum ka yod mod de/ snying rje nyag gcig gis skyabs su 'gro ba yin gsungs/ theg pa chen po pa dkon mchog gsum la skyabs su 'gro bar mtshungs par gda' ba la/ gtso che chung e yod zhus pas/ de yod byang chub sems dpa' sangs rgyas kyis gtso byas pa'i dkon mchog gsum la skyabs su 'gro/ rang