[A:103a]ma'i phyag gis bzung gin bsam bsgom dang rjes zlos bya rgyu mang po yang dag pa gda' pa rnams mdzad nas/ 'dir maNDal gyi cho ga yongs su rdzogs pa bya ba gal che ba yin gsungs nas mdzad do/ /mchod rdzas rnams kyang bdag gi lag tu re re nas btang gin/ bsam bsgom dang rjes zlos byed du gzhug go /de bzhin du yan lag bdun pa thams cad la gdams ngag cho ga rgyas po mdzad nas/ dngos gzhi'i skabs su 'di dkon mchog sgron ma na bzhugs/ mdo 'di bod du ma 'gyur gsungs nas chos rje pas cho ga rgyas pa lan gsum mdzad/ 'di klu sgrub kyi byang chub sems 'grel na bzhugs gsungs nas/ gang phyir sangs rgyas bcom ldan 'das dang gsungs pa de lan gsum mdzad/ 'di zhi ba lha'i spyod 'jug na bzhugs gsungs nas/ ji ltar sngon gyi bde gshegs kyi/ /gsungs pa de lan gsum mdzad do/ /de rnams zlos pa'i skyon du mi 'gyur ram snyam na/ grub mtha' gcig la zlos pa'i skyon du mi 'gyur ba'i lung gcig drangs/ de nas rjes kyi cho ga rnams kyang shin tu rgyas pa mdzad/ de rnams kyi mtshams rnams su yang gdams ngag gi yod sgo mang du mdzad do/ /de'i rjes la phung po gsum pa'i sgrub thabs dang 'don thabs gcig snang ba mtha' yas kyi 'chi ka'i rnal 'byor/ a ra pa tsa na'i sgrub thabs/ de'i nyal ba'i rnal 'byor/ de'i blo 'phel/ mtshan brjod/ 'don thabs rnams gnang bas nam phyed yol du song ngo / /de nas bcu bdun gyi nub mo yang 'bod mi btang byung bas phying gur chen po cig tu me chen po