[A:103b]btang / ja mang po drangs nas/ bka' gdams pa'i jo bo yab sras/ rnal 'byor pa rnam pa rnams sku mched gsum/ glang thang ba/ shar pa/ sne zur ba/ bya yul ba/ stod lung pa la sogs pa'i bka' gdams pa gong ma rnams kyi mdzad spyod/ rnam thar/ yon tan/ dgung lo du la 'das pa/ mtshan dang rus ci yin pa/ tshogs pa ji tsam 'dus pa la sogs pa ma bzlugs bar la 'dri ba cig gda' bas/ de rnams bdag la zhib mo yod pas shin tu mnyes nas/ de rnams kyi mtshan kun phal cher yi ger bris so/ /de'i skabs su bdag gi ston pa dkon mchog seng ge la bskur ba'i zhu yig de rnams la lan legs pa cig ma byung na kho bo yi chad par yod pas/ bla mas sngar ma grub kyang mar la gdan drangs nas ma gir mdzad nas yar bskur ba'am/ yang na sa skya lta bur zhu yig dang gsung 'phrin bsdebs nas bskur na lan yong ba'i rigs e yod ces zhus pas/ sa skya na 'di rnams kyi lan 'ong ba yod na nga kho na dga' ste med/ khyod kyi yi ge rnams ngas tshags byas yod gsungs nas/ chos khug nas zhu yig gi yi ge rnams byung / mar me'i 'od la bla ma nyid kyis re re nas bklags/ 'di la khyod ji ltar 'dod zer ba re re bris/ de rnams kyi lan 'di ltar 'ong ba yin gsungs nas mtshan yal der de rnams kyi lan gsungs/ zhu dag mdzad nas 'jam ser 'di rnams khyod kyis tshags gyis shig 'di rnams la lung rigs thams cad 'dzom pa'i lan legs pa khong mnyes pa cig ma gir byas slar yar bskur ba yin gsungs nas zhu yig de rnams