R753: 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung / {bod yig glog rdul dpe cha/}
[A:94a]can khyod zhabs lha brgya'i gtsug gis mchod/ /rnam dag chos dbyings mkha' la thugs rje'i sprin 'dus te/ /shes rab glog phreng snyan pa'i 'brug sgra dar dir can/ /legs bshad char gyis rnam grol 'bras bu smin mdzad pa/ /klu dbang grags pa 'gro ba'i spyi gtsug rgyan bzhugs gsol/ /bsod nams gangs rir bslab gsum g.yu ral yon tan rgyas/ /rnam dpyod rtsal ldan bdag med stong pa'i sgra bsgrags shing / /mkhyen brtse'i mche bas phas rgol ri dwags skrag mdzad pa/ /mi yi seng ge'i zhabs la mgo bos phyag 'tshal lo/
'di yan 'phags pa rin po ches mdzad/
/bla ma sangs rgyas thugs las 'khrungs pa'i sras thu bo/ /'jig rten kun la khyad 'phags 'phags pa zhes grags 'di/ /bsod nams stobs chen dang po lhums nas bltams ma thag /rigs gzugs 'byor pa dbang phyug phun tshogs lha dbang bzhin/ /sku tshe snga mar yang yang paNDi ta'i/ /rigs su skyes nas rgyal dang rgyal sras kyi/ /gsung rab gsung la 'bad pa mdzad ces gsungs/ /de tshe dpal khyod dpal ldan kun gyis mchod/ /de nas dgung lo gsum bzhi bzhes pa'i tshe/ /bdag med rtogs kyang bdag 'dzin yod yong skad/ /bdag gi 'khor zhes bdag bzung 'ga' re la/ /'khor 'das las sgrol 'jam dbyangs sgrol ma gsungs/ /sde snod 'dzin pa brgya phrag bco brgyad la/ /lo brgyad bzhes tshe rgyud dang skyes rabs gsungs/ /spobs pa thogs med tshangs pa gdong bzhi 'dra/ /rnam 'phrul bsam mi khyab la phyag 'tshal lo/ /bcu gnyis bzhes tshe