R753: 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung / {bod yig glog rdul dpe cha/}
[A:94b]chos rje'i zhal snga nas/ /bla chen rin chen rje btsun chen po bzhin/ /bcu bdun lon tshe yon tan rdzogs 'gyur gsungs/ /de tshe de rnams 'phrin las gcig par khums/ /'khor ba'i rgya mtsho gting mtha' med pa'i sdug bsngal can/ /gson nam gzigs tshe mchi mas gdong khengs gdungs pa yis/ /phyogs bcu'i rgyal ba sras dang bcas la gsol 'debs pas/ /thugs rje che mnga' khyod ni mgon po spyan ras gzigs/ /thub pa chen po'i gsung rnams lan res thugs chud nas/ /bsdu dngos 'phrin las rnam 'phrul da lta 'di 'dra na/ /byang chub sangs rgyas gyur tshe phan mdzad smos ci dgos/ /shes rab mtshungs med 'jam dbyangs khyod la phyag 'tshal lo/
'di yan 'phags pa'i slob ma cig gis mdzad/
/gang gi sngon dus bsod nams dpag med rab bsags pas/ /rigs gzugs 'byor pa phun sum tshogs pa brnyes gyur nas/ /lha yi dbang pos mi yi dbang por dbang bskur ba'i/ /jim gir rgyal po 'gro kun nyi ma ji bzhin gsal/ /mi dbang de yi bsod nams las grub sras kyi mchog /mi mchog kun gyis gtsug gi rgyan ltar rab bkur zhing / /tshar bcad rjes 'dzin las kyis 'gro kun legs skyong ba'i/ /sa bdag de ni phyogs rnams kun las rnam par rgyal/ /de gcung bsod nams mtha' yas brtse ba'i yid ldan zhing / /mchod 'os rgyal po sri zhu'i sgo nas mnyes byas nas/ /'gro ba gzhan la sna tshogs thabs kyis phan brtson pa'i/ /blo ldan de ni skye dgu kun gyi rtsa lag mchog /de sras thu bo bsod nams dpal gyis rab tu brjid/ rtag tu gzhan la bu gcig