[A:90b]'chang chos kyi rgyal po ngag dbang kun dga' rin chen gyi sku ring la bstan dgra lha sa rdzong pa sogs bdud sprul 'ga' zhig gis byed pas lha khang chen mo la bslus rgyab/ mchod rdzas bsam gyis mi khyab pa dang chos dung 'di nyid sogs khyer dus/ sdig spyod kyi yul der bzhugs pa'i gnas ma yin pa dang / slar yang rnal 'byor dbang phyug gis byin gyis brlabs pa'i gnas gdan sa chen po 'dir 'byon par dgongs te/ chos dung gi nang thams cad 'bus gang ba dang / mchod pa'i gral la bzhag pas 'bud mkhan med par mi shis pa'i rtags mtshan gyis rang skad 'don pa sogs mngon sum du mi dge ba'i ltas sna tshogs bstan pa la brten nas/ de 'phral nyid du gdan sa chen po 'di nyid du bshags pa dang bcas te phul ba yin zhing / 'di lta bu'i chos dung 'di ni dgos 'dod 'byung ba'i yid bzhin gyi nor bu dang khyad par med de/ 'di'i drung du gnas skabs dang / mthar thug gi 'dod pa'i 'bras bu 'byung ba'i smon lam ci btab pa rnams gang yid la bsam pa'i don rnams thogs pa med par stsol bar mdzad pa myong grub yin no/ /de ltar chos kyi rgyal po 'phags pa rin po che de nyid rgyal po chen po'i ti shrIr gyur pa'i rjes su/ skyes mchog karma pakShi chen pos rdzu 'phrul bsam gyis mi khyab pa bstan pa'i dus su/ rang re'i bla ma chen po de bzhin gshegs pa snang ba mtha' yas gnyis snang mi'i gzugs su byon pa la/ rdzu 'phrul che chung gi dbye ba med na'ang 'phral snang gi rdzu 'phrul dang rtog pa rtogs ldan rgya bo 'di rang mtho ba 'dug ces se chen gyi btsun mo