[A:88b]theg pa'i dbu bsnyes pa yin zhing / de'i dbang yon dang po la khri skor bcu gsum phul ba yin par bshad pas/ de yang khri skor re la lha sde bzhi stong dang / mi sde drug stong yong ba yin no/ /dbang yon bar ma la chos dung dkar po rgyang grags kyis gtsos pa'i bod phyogs kha gsum gyi bande dang / mi sde sogs thams cad phul ba yin pas phyogs kha gsum la zhing gcig tu brtsis pa yin par bshad de/ /de yang stod mnga' ris skor gsum nas sog la skya bo yan dam pa chos kyi phyogs kha/ sog la skya bo man nas rma chu khug pa yan mgo nag mi'i phyogs kha/ rma chu khug pa man nas rgya mchod rten dkar po yan chad gyad gling rta'i phyogs kha zhes grags shing / zhing zhes pa'i tha snyad kyang khang pa ka ba drug gi sa yod pa/ mi bza' mi gnyis/ bu pho mo gnyis/ g.yog pho mo gnyis te drug phyugs rta bong gnyis/ ba glang ra lug rnams dang / zhing hor son khal bcu gnyis kyi sa yod pa rnams la hor dud chung gcig zer ba yin te/ de 'dra nyi shu rtsa lnga la dud chen gcig de gnyis la rta mgo gcig zer/ de gnyis la brgya skor gcig de bcu la stong skor gcig de bcu la khri skor gcig de bcu la klu gcig de bcu la zhing gcig zhes bya ba yin cing / hor se chen rgyal po'i mnga' 'og tu zhing bcu gcig yod cing / phyogs kha gsum la zhing gcig cung ma longs kyang / bla ma bzhugs sa yin pa dang bstan pa dar sa yin pa nas zhing gcig tu brtsis nas phul ba yin no/ /dbang yon rting ma la bla ma'i bka' bzhin rgya'i mi yur chen po phul bas shin tu mnyes nas/ bla ma