[A:88a]khyad par 'phags pa cig 'dug pas gsan pa drag zhus pas/ rgyal pos de bzhin byed gsungs nas bla ma la zhus pas/ /spyir yang khyed kyis chos zhu ba'i dam tshig mi thub cing / da res lo tsA ba mkhas pa'ang med pas phyis byed par zhu gsungs pas/ rgyal po na re/ dam tshig ci bsrung dgos gsungs pas/ dbang bskur zhus nas bla ma gral mgor bzhugs/ lus kyis phyag 'tshal/ ngag gis ci gsungs nyan/ yid kyis thugs dang ma 'gal ba bya dgos pa yin/ de mi yong gsungs pas/ dpon mos 'chams pa zhus pa la chos zhu ba dang / mi nyung dus bla ma gung la bzhugs/ rgyal brgyud/ mag pa/ mi dpon/ mi dmangs tshogs dus mi gnon dgos pas rgyal po gung la bzhugs/ bod phyogs kyi bya ba la bla ma ci gsung dang du long / bla ma la ma zhus par rgyal pos lung mi gnang / bya ba che chung gzhan la bla ma snying rje che bas zhu ngo 'chol du 'ong na rgyal khams mi non pas/ bla ma'i gsung dang zhal 'jug ma mdzad ces zhus pas/ bla ma'i gsung gis/ de ltar gyi tshe na khyed hor la gshed mong yun du ma 'thab pa'i gog sa chen po la mi 'jug pa bzhin/ nged kyang bsnyen sgrub ma byas par dbang bskur na mi yong bas/ bsnyen sgrub kyi grabs kyis gsungs nas/ bsnyen sgrub kyi bar la lo tsA ba gser yig pas mgyogs par bos nas/ rgyal pos dbu mdzad pa'i dbang pa nyi shu rtsa lnga la lan gsum gyi bar du sa skya pa'i khyad chos dpal kye rdo rje'i dbang yongs su rdzogs par bskur ba las/ hor gyi rgyal khams su rdo rje