[A:89a]'phags pas bsngo ba 'di ltar mdzad de/ nam mkha'i khams ni khrag gi mdog ltar dmar/ /rkang leb ro yis phyi yi rgya mtsho khengs/ /'di 'dra bcad pa'i dge ba gang de yis/ /mkhyen rab dbang phyug thugs dgongs rdzogs pa'i phyir/ /phan bde'i bstan pa rab tu rgyas pa dang / /mi dbang sku tshe yun du brtan phyir bsngo/ /zhes gsungs pa yin zhing / der skabs dbang yon bar ma'i skabs su phul ba'i chos dung dkar po rgyang grags kyi lo rgyus ni/ dpal ldan sa skya la bsngags pa snyan ngag dbang po'i nyer mtsho las/ klu dbang dbang po'i dpal yon las 'ongs pa'i/ /dung dkar dkar po rgyang grags tshangs dbyangs can/ /thub dbang dbang pos chos 'khor bskor ba'i tshe/ /lha dbang dbang pos phul te 'di legs drangs/ /zhes gsungs pa ltar gyi yang dag par rdzogs pa'i sangs rgyas kyis chos 'khor bskor ba'i dus kyi chos dung 'khrul med byin rlabs kyi gzi 'od 'bar ba 'di nyid ni/ sa skya pa'i phyag tu rgya nag nas 'byung ba'i gong rol du rgya nag tu byung tshul ji ltar yin zhe na/ rgya gar rgyal po dharmA pha la dang / rgya nag rgyal po de wa rA dza gnyis mthong ma myong 'phrad ma myong ba'i grogs po byas te/ rgya gar rgyal po dharmA pha la'i ring la mu stegs pa'i dmag gis shrI nA lendra bcom/ bstan pa bsnub pa'i dus su rgya nag rgyal po de wa rA dza la dpung grogs dgos pa'i 'phrin bskur bas/ nged kyi dmag mi thon/ skyel gyi nor rdzas bzang po bskur gyis de la brten nas phyi pa thul/ bstan pa ma 'grib pa gyis shig zer nas/ gos lu hang gi ber srub