[A:87b]bltas pas/ 'phags pas ji ltar gsungs pa bzhin byung bas rgyal po thugs dgyes/ de nas 'phags pas der yang ma zad pa'i snga rol lo bye ba'i gong du 'dzam bu gling du khrag gi char pa zhag bdun babs yod gsungs pas/ rgya'i yig tshangs na btab 'dug pas rgyal po shin tu yid ches shing / yang 'phags pas spyir nged kyi pha mes la mi nyag rgyal pos gos chen gyi bla bre sha ba'i rwa co nas bzung thub pa phul yod gsungs pas/ rgyal pos sa skyar bltar btang bas 'dug zer bas rgyal po yab sras mos par gyur to/ /de nas dpon mos rgyal po la 'phags pa bod la ma btang bas legs 'dug sa skya pa la gsang sngags zab mo'i dbang bskur gzhan la med pa'i khyad chos cig yod par 'dug de zhus pa 'thad zhus pas/ rgyal po na re sngon la khyod kyis zhus/ a'u tse ba 'dug na nga yang zhu gsungs pas/ dpon mos kye rdo rje'i dbang zhus shin tu mos par gyur/ de'i dus su dpon mos dbang yon ci 'tshal zhus pas/ 'phags pa'i zhal nas/ rang gi lus longs spyod kha rje dbang thang thams cad 'bul ba yin/ khyad par rang gang la chags shing gtsigs che ba de 'bul ba yin gsungs pas/ btsun mos nga khyo sa la yong dus pha mas byin pa'i gtsigs che shos yin zer nas rna rgyan gyi steng na mu tig rdog po cig 'dug pa de phul bas/ sog po gcig la btsongs pas gser bre chen gang dang / dngul bre chen stong byung bas yar slebs/ gtsang chu mig gi chos 'khor dang sa skya'i gser thog chen mo'i gzhi byas zer/ de nas rgyal po la dpon mos/ chos gzhan las