[A:60b]pa/ grub chen bcu phra mo brgyad dang bcas pa/ aShTa'i gzhi bshad/ tshogs kyi 'khor lo'i yi ge bdag med ma'i bstod pa'i 'grel pa/ rigs drug gi mtshan don dang ye shes bsre ba'i bshad pa/ bde mchog lhan skyes kyi byin rlabs/ rnam 'joms bir lugs kyi bshad pa/ sampu Ta/ rdo rje rnam 'joms kyi rgyud/ sdom gsum rab dbye la sogs pa dri ma med pa'i bstan bcos mang du mdzad de bstan pa gsal bar mdzad pa yin no/ /gsum pa rtsod pa rdo rje'i shugs kyis lta ngan gyi brag ri bshig pa'i tshul ni/ 'di nyid rigs pa'i dbang phyug gam chen por gyur par grags pa'i 'od dkar rgya mtsho'i mthas klas pa'i sa'i dkyil 'khor kun tu 'phro bar gyur pa na thub pa chen po ser skya dang / drang srong rgyas pa dang / gzegs zan la sogs pa'i rjes su 'brangs pa'i grangs can dang / rig byed dang / rigs pa can pa zhes grags shing dbang phyug dang / tshangs pa dang / nyin mo long pa dang / nor lha'i bu dang / byin za la sogs pa cher mgu ba dang / lho phyogs kyi rgyud du rgyu zhing rnam par 'phyan pa 'phrog byed dga' bo la sogs pa'i phyi rol pa'i ston pa drug gis dam bcas pa/ kho bo cag kha ba can gyi ljongs su song la/ de na gnas pa'i skye bo gau ta ma'i dge slong du khas 'che ba/ bud med kyi brtul zhugs 'dzin cing lta ba dang spyod pa ngan pa la zhen pa de bzlog par bya'o zhes gleng ste mthar song pa dang / bdag cag gi bla ma rgol ba ngan pa'i khyu mchog gi spyi gtsug rnam par gnon pa'i seng ge 'di byang chub kyi snying po rdo rje gdan las byang phyogs su dpag tshad bcu phrag drug