[A:58a]yang / sde bdun gyi lhag ma dang / chos mngon pa gong ma dang / byams pa'i chos rnams dang / bde mchog dang / gsang ba 'dus pa la sogs pa'i rgyud dang / de dag gi 'grel pa mang po zhig ni deng sang nub par gdon mi za'o/ /gzhan yang so sor thar pa'i sdom pa dang / smon 'jug sems bskyed dang / rgyud sde bzhi dang 'brel pa'i smin byed dbang dang / grol byed kyi lam byin rlabs dang / rjes gnang dang / khrid la sogs pa mtha' yas pa zhig gis ni deng sang yang ma nub par yod do/ /gnyis pa rtsom pa rin po che'i phreng bas mkhas pa'i yid 'phrog par mdzad pa'i tshul ni/ gnas skabs thams cad du mkhas pa rnams kyi blo mtsho'i brjod 'dod dam pa'i rlung gis bsrubs pa las byung ba'i rin po che'i phreng ba'i blo gsal zhing yid gzhungs pa'i ded dpon dga' ba bskyed pa'i phyir dang / chos rje nyi ma'i dkyil 'khor gyis skye dgu rnams kyi mi shes pa'i mun pa bsal ba'i phyir dang / rta mchog 'gro ba'i tshe na shes/ /glang chen g.yul ngor shes 'gyur te/ /gser dngul bzhu na shes par 'gyur/ /mkhas pa legs bshad brtsams na shes/ /zhes pa ltar rang nyid kyi thugs kyi rnam par thar pa rmad du byung ba yang bstan pa'i phyir du dri ma med pa'i bstan bcos du ma mdzad pa yin no/ /'di la gnyis las/ spyir bstan bcos mdzad pa'i rnam grangs ni/ 'jig rten gyi chos lugs bzang po ston pa'i thabs kyis dam pa'i chos kyi lam ston pa/ legs par bshad pa rin po che'i gter zhes bya ba phyi nang gi slob dpon rnams kyis bstan bcos