[A:57a]ma chag par mdzad pa'i dam bca' mdzad pas deng sang gi bar du'ang bstan pa rgyas par mdzad pa yin no/ /gzhan yang bla na med pa'i byang chub kyi rtsa ba smon pa'i byang chub kyi sems rnal ma rgyud la skyes nas de phyin chad gzhan don du byang chub kyi sems ma spangs na mtshams med pa lnga byas kyang mi nyams shing / bsod nams mkha' dang mnyam pa 'byung bas phan yon che zhing bsrung sla bar dgongs nas/ bdag nyid chen po 'di dad pa dang ldan pa rnams kyis spyan drangs nas phyogs dang phyogs su yang nas yang du byon pas/ skye bo mang po 'ga' zhig sngon gyi dge ba'i rtsa bas bskul zhing 'ga' zhig ltad mo'i bsam pas kyang 'dus pas na ched du gnyer nas ma zhus kyang / dbu ma lugs kyi sems bskyed rgyas bsdus gang rung re gsungs nas/ phyogs der zhag 'ga' bzhugs na de nyid mi nyams shing 'phel bar bya ba'i phyir du bslab byar thub pa dgongs gsal tshar re gsungs pa yin te/ bstan bcos 'di'i mjug na/ ngas chos 'di dbus gtsang khams gsum thams cad du bshad pas/ ngas slob ma rnams kyi lung thob pa yin pas ma dpe 'di la ltos la shod ces gsungs pas so/ /tha na 'jig rten gyi bya ba bsgrub pa'i thabs ston pa'i gros legs par gsungs pas kyang phan par mdzad pa yin no/ /de ltar ston pa'i gsung gi rig byed kyang sgra mang po zlos pa la sogs pa'i skyon dang bral zhing / brda dag pa dang / dbyangs snyan pa dang / 'brel chags pa la sogs pa'i yon tan dang ldan pas yid 'phrog par byed pa yin te/ 'phags pas/ 'di