[A:55a]chos gsungs pa'i tshe/ de ni khyod kyi skye ba dpag tu med pa'i dge ba'i bshes gnyen yin no zhes pa'i sgra de nam mkha' las byung bas sngar gyi sgra de dran no gsungs so zhes pa'i yi ge mthong ngo / /nyid kyis kyang / sangs rgyas kun gyi ye shes sku/ /dge bsnyen mchog gi skur bstan nas/ /bdag gi 'khrul pa'i dra ba bcad/ /yun ring dus nas 'di nyid ni/ /khyod kyi dge ba'i bshes gnyen zhes/ /mkha' la de lta'i gsung bsgrags pas/ /legs 'doms khyod la phyag 'tshal lo/ /zhes gsungs so/ /bka' gdams pa nam mkha' 'bum gyis khyod la mngon par rtogs pa'i yon tan ci mnga' ba cig mi 'chab par snying gtam gyi tshul du gsung ba zhu/ gzhan yang hor 'di la khyed kyis byon pas phan pa'i rgyu mtshan e bdog ces zhus pa'i lan du/ bdag sangs rgyas kyi bstan pa la mos gus phyin ci ma log par yod/ gsung rab kyi don la go ba cung zad tsam mchis/ mngon par rtogs pa rgyud la skyes pa tsam ni chen po mi bdog hor 'di nged la ci nas kyang mchod gnas la shog mi 'ong na dmag 'ong zer nas dmag byung na bod la gnod kyis dogs nas 'gro ba lags/ sems can la phan du re nas 'gro ba ma gtogs pa phan nges pa'i rgyu mtshan ma mchis/ lar sems can la phan na rang gi lus srog gtong ba la mi phod rgyu mi bdog tsam shes pa gda' zhes gsungs la/ gong du/ thugs grol khyod la spyi bos phyag 'tshal lo/ /zhes pa'i skabs su shes bya'i sgrib pa la thugs grol zhes bstod pa byed pa rang nyid kyis gsungs shing / chos