[A:6]ངེད་དང་ཆོས་རྗེ་ཆེན་པོ་བ་སེམས་གཅིག་ཡིན་པས་གང་གི་ཞབས་ཐེགས་ཀྱང་བསམ་པ་ཡོངས་སུ་རྫོགས་ཞེས་དགེས་པའི་འཛུམ་ཞལ་དང་ལྡན་པས་ལྷ་ས་པོ་ཊ་ལར་བཀའ་ལུང་ཕེབས་པ་ཡོངས་ལ་གསལ་ལོ༎
རང་སྒོའི་ངོས་ནས་ནི། བཅོམ་ལྡན་འདས་ཐུབ་པའི་དབང་པོའི་རྒྱལ་ཚབ་བྱམས་པ་མགོན་པོ་ཉིད་བསམ་བཞིན་དུ་དབང་འབྱོར་བའི་བྱང་ཆུབ་སེམས་དཔའི་མཛད་པ་མཆོག་གི་ཚུལ་གྱིས། ཐེག་ཆེན་མདོ་སྡེ་རྒྱན་ལས་བཤད་པ་ལྟར། དེ་ནི་ཅིག་ཅར་ལ་ལར་སྒོ་མང་བརྒྱ་ནས་ཆོས་ཀྱི་འཁོར་ལོ་དང། སོགས་དང། ལ་ལར་སྐྱེ་བ་མི་སྣང་ཞེས་དང། ལ་ལར་སྐྱེ་བའི་སྤྱོད་པ་སྣ་ཚོགས་དང། ཞེས་དང། མདོར་ན། དེ་ནི་གནས་དེ་རྣམས་ལ་རྣམ་པར་གཡོ་མི་མངའ་ལ་ཐམས་ཅད་མཛད༎ vc: The complete vers reads with mit Vasubandhus commentary reads: de ni cig car la lar sgo mang brgya nas chos kyi 'khor lo dang// la lar skye ba mi snang la lar skye bo'i spyod pa sna tshogs dang// la lar byang chub thams cad la lar de ni mya ngan 'das ston kyang// de ni gnas de las kyang rnam par g.yo mi mnga' la thams cad mdzad//gsum pa 'dis ni cig car sgo mang po nas yongs su smin par mdzad pa'i thabs la sbyor ba'i rgyu ston te/ ji ltar gang la gnas te sems can rnams 'dul ba'o// skye bo'i spyod pa sna tshogs ni skyes pa i rabs kyi khyad par gyis so// gnas de las kyang mi g.yo ba zhes bya ba ni zag pa med pa'i dbyings las so// cf. Theg pa chen po mdo sde'i rgyan dang rgyud bla ma rtsa 'grel, Mi rigs dpe skrun khang, 1998: p.301.ཅེས་རྒྱལ་ཚབ་མ་ཕམ་པ་རང་གི་བཀའ་སྩལ་དུ་གསུངས་པའི་དོན་ཇི་ལྟ་བར། སངས་རྒྱས་ཀྱི་བསྟན་པ་རིན་པོ་ཆེ་འདི་ཉིད་འཛིན་ཞིང་སྤེལ་བའི་ཆེད་དུ། མཐའ་ཡས་པ་མཐའ་ཡས་པའི་ཞིང་རྣམས་སུ། མཐའ་ཡས་པ་མཐའ་ཡས་པའི་སེམས་ཅན་རྣམས་ལ། མཐའ་ཡས་པ་མཐའ་ཡས་པའི་ཆོས་ཀྱི་མཛད་པ་དཔག་པར་མི་ནུས་པ་ཞིག་སྟོན་ཏེ། དེ་ལ་རང་འདུལ་བའི་ཞིང་འདིར་ནི། གཡག་རོང་གི་མཚན་འཆང་བའི་སྔོན་རབས་བྱོན་པའི་སྐྱེས་ཆེན་དེ་དག་དང། རྗེ་ཉིད་ཀྱིས་མཚོན་པའི་བསྟན་པ་འཛིན་པའི་ཁྱུ་མཆོག་གྲངས་མ་མཆིས་པར་ཡང་སྤྲུལ་ལ། སླད་ནས་ཀྱང་བསྟན་པའི་སྲོག་རྨ་མེད་པ་གང་འཛིན་པར་ནུས་པ་དག་ཀྱང་སྟེ། ཅི་སྟེ་སངས་རྒྱས་ཀྱི་ཡེ་ཤེས་ཆེན་པོས་མ་བཟུང་བའི་ཉན་ཐོས་རང་རྒྱུད་པ་དག་གིས་རྒྱལ་བའི་བཀའ་སྨྲ་བར་མི་སྤོབས་པའང།
རྒྱལ་བའི་ཉན་ཐོས་པ་དག་ཇི་སྙེད་ཆོས་སྟོན་དང༎
འཆད་དང་རིགས་པ་དག་དང་ལྡན་པར་བརྗོད་པ་དང༎
མཆོག་འཕགས་བདེ་བ་བྱེད་དང་དེ་ཡི་འབྲས་ཐོབ་པ༎
དེ་དག་ཀུན་ཀྱང་དེ་བཞིན་གཤེགས་པའི་སྐྱེས་བུའི་མཐུ༎
ཞེས་རྒྱུ་མཚན་ངེས་པའི་གཏན་ཚིགས་དང་བཅས་ཏེ་གསུངས་པ་ལྟར་ལས་མཚོན་པར་ནུས་པའོ༎
འོ་ན་ཐ་སྙད་དུ་དུས་སྔ་ཕྱི་དང་