[A:205]པ་སོགས་བཀའ་ཆོས་ཕྲན་བུ་འགའ་དང། མི་ཉུང་བསྡུས་ལ་སྦྱོར་དྲུག་གི་ཁྲིད་ཅིག་སྩལ་ཟེར་རོ༎
དེ་ནས་དགུང་ལོ་དོན་དྲུག་བཞེས་པའི་དུས་vc: 1503། ཚེས་བཅོ་ལྔ་ཞིག་གི་ཉིན་རྣམ་སྲས་སེར་ཆེན་གྱི་རྗེས་གནང་གནང་གྲབ་ལ། རྗེ་དབོན་ཤཱཀྱ་རྒྱལ་མཚན་པའི་དྲུང་དང། ད་ལྟའི་ཨ་ཞང་བསོད་ལྷུན་པ་སོགས་དབུས་ནས་ཕེབས་པས། དེ་འཕྲལ་མཇལ་ཀ་གནང་ཞིང། དེའི་ཉིན་རྣམ་སྲས་རྗེས་གནང་ཡང་གནང་བས། དྲུང་ཆེན་དཔལ་དར་བས་པཎ་ཆེན་རིན་པོ་ཆེའི་དྲུང་དུ་རྗེ་དབོན
?དཔོན་པས་ཐོག་མར་རྣམ་སྲས་གསན་པའི་རྟེན་འབྲེལ་གྱིས་རྣམ་སྲས་བྲན་དུ་འཁོལ་བ་ཞིག་ཡོད་ལགས་སམ་ཞུས་པས། ཅི་ཆ་དབོན་ཆུང་རྣམས་སྲས་ཕྱི་ལ་ཁྲིད་པ་ཞིག་ནི་ཡོད་རེད་གསུངས་པས། དེ་དུས་ཁོང་དག་གི་བློ་ཡུལ་དུ་རྣམ་སྲས་ཕྱི་བཞིན་དུ་བྱོན་པའི་གོ་བ་བྱས་ཀྱང། ད་ལྟ་བསམ་དུས་ནོར་ལྷ་ཕྱིར་ཁྲིད་གསུང་བར་སྣང་བས། གསེར་མདོག་ཅན་བླ་བྲང་གི་ཁྱད་ནོར་རྣམས་དབུས་ཀྱི་གླང་ཐང་གི་ཕྱོགས་སུ་ཕྱིར་སྐྱེལ་གནང་བའི་མ་འོང་ལུང་བསྟན་དུ་སེམས་སོ༎
དེར་གནས་ཀྱི་སློབ་དཔོན་དྲུང་ནས་ལྷ་བཙུན་པའི་དྲུང་དུ་བཅོལ་དམ་གནང་བས་སྔར་དབུས་སུ་ཡང་ཆེན་པོར་འཕྱུར་བའི་དྲུང་བསྡུས་ར་སོགས་བརྡ་སྦྱར་ཙམ་གནང་བའི་སྣེ་མཐུད་པའི་ཐུགས་གཉེར་མ་མཐུད་གནང་ཞིང། ལོ་དེའི་དཔྱིད་ཆོས་ལ་དཔོན་ས་བདག་མོ་ཆེན་པོས་ཆོས་དབར་གནས་གསར་དུ་བཏེག་པས་རྗེ་དབོན་ཤཱཀྱ་རྒྱལ་མཚན་པས་གཙོ་མཛད་མངའ་རིས་པ་ཧོར་རབ་འབྱམས་པ་སོགས་ལ་ཆོས་དབར་སར་དུ་འབྲུམ་པ་བྱུང་ནའང། ཉེས་སྐྱོན་གཅིག་ཀྱང་མ་བྱུང་བར་ལེགས་པར་ཐར་བ་འབའ་ཞིག་བྱུང་ངོ༎
དེར་གྲྭ་པ་བྱིངས་གསེར་མདོག་ཅན་དུ་ལོག། པཎ་ཆེན་རིན་པོ་ཆེའི་ཞབས་ཕྱིར་དྲུང་ནས་ཉང་རཾ་པ་དང། པཎ་ཆེན་རྡོར་རྒྱལ་བ་གྲྭ་ཤར་དུ་ཡོད་པ་ཅིག་ཀྱང་ཕྱགས་ཕྱིར་ཁྲིད་ནས་རྩེ་ཆེན་དུ་ཕེབས། ཚེ་དབང་སོགས་བཀའ་ཆོས་མང་བ་