[A:200]ངག་གི་དབང་པོས་རྗེས་བཟུང་མཁས་པའི་ཕུལ༎
ངག་དབང་གསུང་གིས་འགྲོ་བློའི་མུན་སེལ་བ༎
ངག་ཚིག་སྡེབས་ལེགས་ཡོངས་ཀྱི་ཡིད་འདྲེན་པའི༎
ངག་གི་དབང་ཕྱུག་འཇམ་དབྱངས་བླ་མ་རྒྱལ༎
མཁྱེན་རབ་མཐར་ཕྱིན་ཤེས་བྱའི་གནས་རྣམས་ལ༎
མཁྱེན་པའི་དཔལ་གྱིས་མི་ཤེས་མུན་སེལ་གང༎
མཁྱེན་ལྡན་ལོ་ཆེན་མཆོག་གིས་ཉེར་དགོངས་ནས༎
མཁྱེན་ཡངས་ས་ལོ་དེ་ལ་ལེགས་པར་བསྙད༎
ཅེས་པཎྜི་ཏ་ཆེན་པོ་ཤཱཀྱ་མཆོག་ལྡན་དྲི་མེད་ལེགས་པའི་བློ་གྲོས་ཀྱི་རྣམ་པར་ཐར་པ་ཞིབ་མོ་རྣམ་པར་འབྱེད་པ་ལས། ཐུན་མོང་མ་ཡིན་པའི་ཡོན་ཏན་ལས་བསྒྲགས་པའི་རབ་ཏུ་བྱེད་པ་ཉེར་གསུམ་པའོ༎ ་༎
Chapter 24: gzur gnas kyi mkhas pa dges pa'i skabs
དེ་ནས་དགུང་ལོ་དོན་བཞིར་ཕེབས་པ་ལྕགས་མོ་བྱ་ལོའི་དཔྱིད་ཆོས་vc: 1501ཡན་ལ། མདོ་ཕྱོགས་ཀྱི་དབུ་ཚད་ཆོས་འབྱུང་ཙམ་མ་གཏོགས་པའི་གསུང་རྩོམ་ཕལ་ཆེར་གྲུབ་ཅིང། ཡི་གེ་རང་གི་སྟེང་ནས་ལུང་བཤད་རྫོགས་པར་སྩལ། རྟོག་གེའི་སྙིང་པོ་གློ་བོ་ཆོས་རྗེ་བློ་གྲོས་རྒྱལ་མཚན་པས་པར་གྱི་སྦྱིན་བདག་མཛད། ཀུན་བཟང་རོལ་མཚོ་གུ་གེ་ཆོས་རྗེ་རྣམ་རྒྱལ་བས་སྦྱིན་བདག་གནང་བས་མཚོན་པའི་ལུང་སྙིང། ཀུན་ལས་བཏུས་ཀྱི་དཀའ་འགྲེལ། འདུལ་བའི་བསླབ་བྱ་ཆེན་མོ། དབུ་མའི་སྟོང་ཐུན། ལུགས་གཉིས་རྣམ་འབྱེད་རྩ་འགྲེལ་གྱིས་མཚོན་པའི་བར་རྣམས་ཀྱང་རང་རང་གི་དད་བརྩོན་གྱིས་ལེགས་པར་བསྒྲུབས་ཏེ། དཔེར་ན་དབུ་མའི་སྟོང་ཐུན་ཆེན་མོ་བྱ་ཡུལ་དུ་གཏིང་སྐྱེས་རབ་འབྱམས་པ། དྲུང་ནས་སྡེ་བདུན་པ་དབང་ཕྱུག་རྒྱལ་མཚན་པས་བསྒྲུབས་པའི་པར་བྱང་འབྱུང་བ་ལྟར་དང། པར་ཕལ་ཆེར་གྱི་པར་བྱང་ཡང་པཎ་ཆེན་རིན་པོ་ཆེ་ཉིད་ཀྱིས་གསུང་རྩོམ་དུ་གནང་བ་ཡིན་ཏེ། རྟོག་གེའི་སྙིང་པོའི་འཇུག་ན་སྒྲུབ་པ་དང་ནི་སུན་འབྱིན་གྱི༎
གནས་རྣམས་ལེགས་པར་ཐུགས་ཆུད་ནས༎
ཚུལ་བཞིན་འདོམས་མཛད་ཚད་མ་ཡི༎