[A:199]བརྩེགས་པར་སྐུ་རྐྱང་ལ་བདེ་མཆོག་ནག་པོ་པའི་དབང་གནང་བ་བདག་གིས་ངེས་ཏེ་འབད་དེ་ཞུས་སོ༎
པཎ་ཆེན་རིན་པོ་ཆེས་ཀྱང་རྗེ་སེམས་དཔའ་ཆེན་པོ་ལ་དཀྱིལ་ཐང་ཚུན་གསར་དུ་བཞེངས་པ་མཛད་སྩལ་བ་དེ་ལས་གཞན་གཅིག་ཀྱང་མ་གནང་ཞིང། རྗེ་རིན་པོ་ཆེ་བྲག་དམར་བའི་དྲུང་གིས་ཀྱང་པཎ་ཆེན་རིན་པོ་ཆེ་ཉིད་ལ་གསན་དེས་དགོངས་པ་ཐུགས་ལ་བཞག་ནས། སྡོམ་གསུམ་རིན་ཆེན་སྤུངས་པར་མ་བརྒྱུད་བདེ་མཆོག་གི་སྐབས་སུ་བརྒྱུད་པ་ཡང་རྡོ་རྗེ་འཆང། སྟག་ལུང་བཀའ་བཞི་པ་རིན་ཆེན་བཀྲ་ཤིས། པཎ་ཆེན་རིན་པོ་ཆེ་ལས་ཞེས་བཀོད་ཀྱང། རྗེས་ནས་གཏན་གསན་མ་ཐུབ་པར་ཕྱིས་ཞ་ལུ་མཁན་ཆེན་དཀོན་མཆོག་ཚུལ་ཁྲིམས་པ་ལས་གསན་པ་ཡིན་ནོ༎
དམ་པའི་ཆོས་བཞིན་སྤྱོད་པའི་བཀའ་སྲུང་ཆེ༎
དམ་ཚིག་ཅན་གྱི་ཆོས་སྐྱོང་འཁོར་བཅས་རྣམས༎
དམ་ཅན་མ་ལུས་vc: letter r/'a preceding this syllableདུས་པའི་ཕོ་བྲང་ན༎
དམ་བཅས་ཚུལ་བཞིན་དགོངས་པའི་དབྱིངསདབྱིང་ས་ན་བཞུགས༎
རྣམ་མང་སྐྱེ་དགུའི་ཆོགས་རྣམས་ཚིམ་མཛད་པའི༎
རྣམ་དཀར་འཕྲིན་ལས་ཡོངས་ལ་མངོན་གྱུར་ཅིང༎
རྣམ་གྲངས་དུ་མའི་མཛད་པའི་ལེགས་བྱས་ནི༎
རྣམ་དག་རྒྱལ་བའི་བསྟན་པ་རྒྱས་ཕྱིར་ལགས༎
གྲགས་པ་བསམ་ཡས་འཛམ་གླིང་ས་ཡི་ཁྱོན༎
གྲགས་པའི་རྔ་ཆེན་སྒྲ་ཡིས་ཁྱབ་བྱས་ནས༎
གྲགས་པ་དོན་མཐུན་ཆོས་ཅན་དག་པ་ཡི༎
གྲགས་པའི་བ་དན་དཀར་པོ་སྤེལ་བར་མཛད༎
རྒྱ་གར་གནས་ལྔ་རིག་པའི་པཎྜི་ཏས༎
རྒྱ་ཡིག་ལེགས་སྦྱར་སྐད་དུ་བཀོད་པའི་ཕྲེང༎
རྒྱ་གར་ཡུལ་ནས་འོངས་པའི་རྣལ་འབྱོརའབྱེར་པས༎
རྒྱ་གར་འཁོར་ཚེ་གང་གི་དྲུང་དུ་ཕུལ༎
ཆོས་ལས་བརྩམས་པའི་ཉིན་མཚན་མཛད་པའི་ཚོགས༎
ཆོས་བཞིན་སྤྱོད་པའི་འཁོར་འབངས་སློབ་མར་བཅས༎
ཆོས་ཀྱི་རྗེས་འབྲངས་དད་པའི་ས་ཐོབ་དག༎
ཆོས་ཀྱི་རྒྱལ་པོ་གང་གི་ཞབས་པད་མཆོད༎