[A:193]ལྷ་བཙུན་པས་ད་ལྟའི་རབ་གསལ་ཟླ་མགོན་པ་ལ། ཁྱེད་རང་པཎ་ཆེན་ལ་ཞབས་དབང་ཞིག་ཞུས་ལ། ཟླ་བ་གཅིག་ཙམ་ཁྲིམས་རོགས་ཞིག་ཁྲིད་དཔེ་མཚམས་ལ་སོང་གསུང་བ་བཞིན། པཎ་ཆེན་གྱི་སྤྱན་སྔར་ཕེབས་པས། ཅི་ལ་ཡོངས་གསུང། ཞབས་དབང་ཞིག་ཞུ་བ་ལ་ཡོངས་ཞུས་པས། ན་བ་བཞིན་ནི་མིན་ནམ་གསུང། ན་བ་མིན་ལགས་དྲུང་ནས་ཀྱི་བཀའ་ལུང་འདི་བཞིན་བྱུང་བས་ཡིན་ཞུས་པས། དབང་རྡོ་རྗེ་འཕྲེང་བ་ཙམ་གྱི་དགག་དགོས་བཤོལ་བའི་དཔེ་ཆའི་བློ་འཛིན་དེས་གར་སླེབ། ཁྱེད་རང་ཞེད་མི་དགོས་ངས་སློབ་དཔོན་པ་ལ་དཀྲོལ་བས་ཆོག། སང་དེ་ད་ཙམ་སོང་དུས་རྡོ་རྗེ་འཕྲེང་བ་བསྐུར་དགོས་པ་ཡིན་ནོ་གསུང་ཞིང། ཕྱིས་དེ་ཇི་ལྟ་བར་རབ་གསལ་ཟླ་མགོན་པ་དགུང་ལོ་བདུན་ཅུ་དོན་གཅིག་བཞེས་པ། པཎ་ཆེན་རིན་པོ་ཆེས་རྡོ་རྗེ་ཕྲེང་བ་གནང་བའི་དགུང་ལོའི་ཆོདvc: or: tshod?དེ་རང་ལ་བདག་གིས་སྤྱན་དྲངས་ནས་དཀྱིལ་འཁོར་བཞི་བཅུ་ཞེ་ལྔ་མའི་དབང་བསྐུར་ཞུས། ཁོང་གི་སྐུ་ཚེ་ལ་དབང་གཅིག་པོ་དེ་ཀ་ཡིན་ཞིང། དབང་མི་ལྔ་བརྒྱ་པོའི་ནང་ནས་དབུས་སུ་པཎ་ཆེན་རྡོར་རྒྱལ་བས་དབང་ཚར་འགའ་གནང་བ་མ་གཏོགས་གཞན་གནང་མི་གཅིག་ཀྱང་མ་བྱུང་སྐད་དོ༎
མཁས་གྲུབ་ལྕང་ར་བ་འདི་སྐབས་ཆོས་འཁོར་རྩེ་ན་འཆད་ཉན་ལ་བཞུགས་པས། ཕྱིས་གཏིང་སྐྱེས་སུ་རྗེ་ཀུན་དགའ་བཀྲ་ཤིས་པའི་དྲུང་དུ་གསོལ་བཏབ་གནང། འབུལ་བར་ཞལ་གྱིས་བཞེས་ཀྱང་ཕྱག་ཐོག་ཏུ་མ་ཁེལ་འདུག་གོ༎
དེ་ནས་པཎ་ཆེན་རིན་པོ་ཆེ། དགུང་ལོ་དོན་གཉིས་སུ་ཕེབས་པ་vc: 1499ས་མོ་ལུག་གི་ལོའི་དཔྱིད་སོས་དེ། རྒྱ་གར་ཧ་རི་པུཉྕ་ཞེས་པ་ཉན་ཐོས་ཀྱི་དགེ་འདུན་ཁྲི་ཁྲག་ཚོགས་པའི་གནས་ནས་པཎྜི་ཏ་ཆོས་ཀྱི་ཉིན་བྱེད་དང། འཕགས་པའི་རིགས་སུ་མཚན་བཏགས་པ་གཉིས་རྒྱ་ནག་ནས་བརྒྱུད་དེ་ཞབས་དྲུང་དུ་ཕེབས། ལེགས་སྦྱར་གྱི་སྐད་དུ་མཆོག་གི་དང་