[A:192]ནས་གསུང་ངག་དང་རྗེས་འབྲེལ་དབྱར་ཞལ་གྱིས་བཞེས་པ་གནང་ཞིང། དགག་དབྱེའི་རྗེས་ལ་རྒྱ་མར་སྤྱན་དྲངས། རབ་བྱུང་བསྙེན་རྫོགས་མང་དུ་གནང་ཞིང། འདི་ལོ་ཡང་དྲིན་ཅན་སྤྱང་ལུང་པས་ལམ་འབྲས་ཚོགས་སུ་གསུངས་པ་དང། ལོགས་སུ་ཆོས་སྐྱོང་གུར་ཞལ་གྱི་བཀའ་རྗེས་གནང་སྒྲུབ་སྐོར་དང། དགའ་མོ་ཆོས་མཛད་པས་ཞུས་པའི་ཟླ་ལ་ཕྱག་ཆེན་ལྷན་ཅིག་སྐྱེས་སྦྱོར། ལྔ་ལྡན། ཡི་གེ་བཞི་པ་སོགས་ཀྱི་ཁྲིད་གསན་གསུང་ཞིང། སྔོན་དེ་མྱུར་བར་ལམ་གཅོད་གནང་ནས་གསེར་མདོག་ཅན་དུ་ཕེབས་ཤེས་གྲག་གོ༎
དེ་ནས་ཕྱི་ལོ་vc: 1498ས་ཕོ་རྟ་ལོའི་མགོ་ལ་ཕར་ཕྱིན་ཊཱི་ཀ་འཇུག་སྒོ་གསུམ་པའི་ཐུགས་རྩོམ་གནང་ཞིང། དེ་གྲུབ་ནས་དབྱར་དབང་བསྐུར་རྡོ་རྗེ་ཕྲེང་བ་ཟླ་གཅིག་དང་ཞག་ལྔའི་རིང་ལ་རྫོགས་པར་མཛད་ཅིང། དེ་སྐབས་རྗེ་ཀུན་དགའ་རྒྱལ་མཚན་པ་སྐུ་མཆེད་རྣམས་དང། རྗེ་བྲག་དམར་བ། སློབ་དཔོན་རྣམ་པ་བཞི་སོགས་བུ་ཆེན་དྲག་རིགས་རྣམས་དང། ཚོགས་པ་བྱིན་གྲངས་ལྔ་བརྒྱ་ཙམ་ལ་འདུ་ཁང་གསར་པར་གནང་ཞིང། མི་ནག་པ་འདར་པ་མི་བསྐྱོད་པ་ཡབ་སྲས། སྤྲུལ་སྐུ་སྨན་ཐང་པ་དང། རྟོགས་ལྡན་སངས་རྒྱས་རྣལ་འབྱོར་པ་ཙམ་ལས། གཞན་དགེ་འདུན་འབའ་ཞིག་ཡིན་ཞིང་དེར་དབང་ཐོག་མའི་ཉིན་ཡེ་ཤེས་དབབ་དུས། མངའ་རིས་དབུ་ལེགས་པ་ཨ་པ་གྲགས་ཟེར་བ་ཞིག་ལུས་གར་སྟབས་སུ་འཕར་རྗེས་འདུ་ཁང་གི་ཕྱིར་ཐོན། དེར་དབང་གི་སྒང་ཡིན་པས་རྗེས་ལ་འགྲོ་མི་ཡང་མ་བྱུང་ཞིང། ཁྱོང་བྱང་གི་ཆུ་ལ་ཡང་ཐགས་ཐོགས་མེད་པར་ཐང་ལྟར་ཕྱིན་ནས་དེ་ནུ་ཆུ་དབར་དུ་སླེབ། གྲུ་ཀོ་སོགས་གང་ཡང་མ་དམིགས་པའི་མཚར་བའི་གཏམ་དང། ཡང་དེ་དུས་རྡོ་རྗེ་ཕྲེང་བ་སང་འཛུགས་རྒྱུའི་བཀའ་བགྲོས་ལ་དྲུང་ནས་སློབ་དཔོན་རྣམ་པས་པཎ་ཆེན་ཞབས་དྲུང་དུ་ཕེབས་ནས་བཀའ་བགྲོས་ཐག་བཅད། རང་སར་ཕེབས། དེར་དྲུང་ནས་