[A:170]ལྕགས་མོ་ཕག་གི་ལོ་vc: 1491དགུང་གྲངས་དྲུག་ཅུ་རེ་བཞིར་ཕེབས་པའི་དུས་དེར་བྱམས་སྐུའི་ལྡེམ་གཡས་གཡོན་འཇམ་དབྱངས་དང་སྤྱན་རས་གཟིགས་གཉིས་ཀྱི་བཟོ་དང། ལྷག་པར་དྲུང་ནས་སློབ་དཔོན་པ་ཚོ་ལ་ངོམ་ངོམ་མཛད་དབུས་ཕྱོགས་ཀྱི་གོས་དར་སྤུས་གཙང་གི་འབུལ་བ་ཡོ་ཕྱོགས་གཅིག་ཏུ་སོག་པ་གནང་ནས། ངེད་རང་གིས་ནན་ནིང་མར་ཅིག་ཐོག་མར་ངོ་དྲོ་བའི་ཁ་ཏ་བྱས་ཁོང་རང་གཟིགས་བཀོད་རྣམ་སྲས་འཁོར་ས་གསུམ་མ་དེའི་བྲིས་སྐུ་དེ་བཞེངས། དྲུང་ཇོ་གདན་པ་རྣམ་པའི་ཕྱག་བཟོ་གནང་འདུ་བྱས་པའི་རྣམ་སྲས་ཀྱི་ཕོ་བྲང་དེ་ཡང་བསྒྲུབས། རྔ་ཆུང་ལྡི་རི་རི་བརྡུང་བའི་གྲུབ་འབྲས་ཡིན་སྣང་བས། ད་སྟེ་སྟོན་པའི་སྐུ་ལ་འཕགས་པའི་གནས་བརྟན་བཅུ་དྲུག་གིས་བསྐོར་བའི་གོས་སྐུ་ཅིག་བཞེངས་གསུང་ནས། སྤྲུལ་སྐུ་སྨན་ཐང་པ་ཡབ་སྲས་མཆེད་བཅས་ཀྱིས་སྐྱ་རིས་བཏབ་པའི་ཉིན་མེ་ཏོག་གི་ཆར་སིམ་པ་ཞིག་བབས་ཤིང། འདི་སྐབས་གོས་ཆེན་མི་ཤ་ཁ་ཞིག་ཚོལ་བ་ལ་རིན་སྤུངས་སེང་གེ་རྩེ་སོགས་གཙང་གི་སྡེ་དཔོན་མཐའ་དག་དང། དབུས་ཀྱི་ཡང་ཐུགས་འབྲེལ་ཡོད་པ་ཀུན་ཏུ་བང་ཆེན་གནང་ཡང་རྙེད་དཀའ་བ་ཙམ་བྱུང་རྗེས། གོས་ཆེན་མི་ཤ་ཁ་ཧོར་དུས་རང་ལ་ཕོ་བ་རིས་ཡོད་པ་ཅིག་བྱུང་ནས་སྟོན་པའི་མཆོག་ཟུང་སྟེ། ཤཱ་རིའི་བུ་དང་མཽ་གལ། འཕགས་པའི་ཉན་ཐོས་རྣམས་ཀྱི་སྐུ་ཤ་ལ་འབུལ་བ་གནང་ཞིང། དེར་སློབ་དཔོན་ཉང་ངམ་པས་ཉིན་གཅིག་བླ་བྲང་དུ་ཕེབས་ཤོར་ཅིག་ལ། གོས་སྐུ་འཚེམས་སར་ཕེབས་པས། ཤཱ་རིའི་བུ་དང་མཽ་གལ་གྱི་བུ་གྲུབ་ནས། ཁོང་རྣམས་ཚད་ཚད་གནང་བ་གཟིགས་འཕྲལ་ལ། ད་རང་རེའི་གྲྭ་ས་འདིར་གྲྭ་པ་ཚེག་ངོ་བ་མང་པོ་རང་ཞིག་འཚོག་པའི་རྟེན་འབྲེལ་ཞིག་བྱུང་འདུག་གོ་གསུངས་པས། ཁོང་དེར་ཚོགས་ཡོས་བཞད་ཆ་བྱས་མོད། ཕྱིས་བརྟགས་དུས་འབྲུམ་པའི་སྐབས་ནད་ལྗོན་ཆེ་བ་དང་ལྕི་བ་རང་ཞིག་གིས་གྲྭ་པ་རྣམས་ལ་འཚེབ་མངོན་སུམ་དུ་གྲུབ་