[A:169]རྣམས་ཀྱི་གནང་སྦྱིན་མཛད། སྟག་ལུང་གི་གྲྭ་ནང་གླིང་པ་ཀུན་ལ་ཡང་འདི་འདྲའི་དགེ་བའི་བཤེས་གཉེན་ལ་རྙེད་པ་དར་ཁ་རེ་ཐེངས་ན་ཡང་འཁོར་བ་མཐའ་ཅན་རང་དུ་སྣང་ངོ་གསུངས་པས། གོས་དར་བསམ་གྱིས་མི་ཁྱབ་པ་རི་སྤུངས་པ་ཙམ་གྱི་འབུལ་བ་དང། གསེར་བརྟུལ་མ་རང་འབུལ་མི་མང་པོ་བྱུང་བས། ཚུར་ལམ་གླང་ཐང་དུ་ཕེབས་ཕྲལ་སྟག་ལུང་པའི་ལྟོ་དཀར་གོང་མ་བ་དར་ཡུལ་ནས་བོས་ཏེ། ཐུགས་དམ་དུ་འཕགས་པ་བརྒྱད་སྟོང་པ་ཕྲེང་བ་ཅན་རྔོག་འགྱུར་དེ་ཡི་གེ་གཟབས་བྲིས་རང་གིས་རྒྱ་ཤོག་ལ་བཞེངས་པ་གནང་ནས། དྲུང་ཡིག་ཆོས་རྒྱན་པ་རང་གིས་ཆེད་དུ་གཏང་བའི་ཞུས་དག་ཀྱང་མཛད་པའི་དཔེ་བྲལ་དེ་བསྒྲུབས་ཤིང། དགུན་ཆོས་ལ་ནཱ་ལེནྡྲར་ཕེབས། རྫོང་ཆུང་དུ་བཞུགས་གནང་གནང། བྱེས་པའི་ཚོགས་པ་རྣམས་ཀྱིས་ཆོས་ཁྲི་ཁར་རིགས་ལུང་བཙུགས། གཞི་བྱེས་ཀྱི་ཚོགས་པ་ཡོངས་ལ་ཐུབ་པ་དགོངས་གསལ་དང། སྡོམ་གསུམ་རབ་དབྱེའི་སྤྱི་ཆོས་སྔ་ཕྱི་ལ་གསུངས་ཤིང། འདུ་ཁང་དུ་སྒྲུབ་ཐབས་བརྒྱ་རྩའི་རྗེས་གནང་གནང། དེར་ནཱ་ལེནྡྲ་པ་ཚོས་གདན་སའི་ཞུ་འབུལ་ནན་བསྐྱེད་མཛད་ཀྱང་ཞལ་བཞེས་མ་གནང་ཞིང། དྲིན་ཅན་སྤྱང་ལུང་པ་དང། ཀྲོག་མཁར་ནང་སོ་རྡོར་མགོན་པ་མདུན་གྲོང་པའི་སྐུ་ངོ་རྣམ་པས་གསོལ་བ་བཏབ་བས་ཚེ་དཔག་མེད་གྲུབ་པའི་རྒྱལ་མོའི་ཚེ་དབང་ཚེ་ཁྲིད་རྣམས་གནང་བ་ལ། བྱེས་པའི་རྗེ་ཀུན་དགའ་རྒྱལ་མཚན་པ་དང། རྗེ་བྲག་དམར་ཀུན་དགའ་ཚེ་འཕེལ་བ། དྲུང་ནས་རྣམ་པ་བཞི་རྣམས་ལ་ཡང་གནང། དེར་རག་མའི་ནང་ལ་གནང་ནས་བདེ་ཆེན་གྱི་ཕུག་ལ་བྱས། རུ་དགོན་སར་ནས་བརྒྱུད་ཕེབས་དུས་ཆིབས་བརྡབས་ཀྱི་རྣམ་པ་ཞིག་གིས། ཡར་ལམ་པཎ་ཆེན་རིན་པོ་ཆེའི་ཕྱག་གཡོན་པ་ཞག་འགའ་མ་བདེ་བའི་ཚུལ་བསྟན་ཏོ༎
དེར་གསེར་མདོག་ཅན་དུ་ཕེབས་འཕྲལ་