[A:166]དུ་ཆར་སྤྲིན་འདུས་ཏེ། འབྲུག་སྒྲ་ཟབ་མོའི་སྒྲ་འབྱིན་པ་དང་ལྷན་ཅིག་ཆར་ཆེན་ཕབ་ཅིང། དེ་ནུབ་རང་ལ་གཉའ་ཤིང་གི་དཔངས་ཙམ་གྱི་སའི་དཀྱིལ་འཁོར་མ་ལུས་པ་ཡོངས་སུ་ཚིམ་པར་གྱུར་པས་སང་སྔ་ཆོས་ཀྱི་ཆོས་ཁྲི་ཁར་ཕེབས། གང་བློ་མ་གནང་སྐབས་ཉིད་ནས་ཡུལ་འཁོར་གྱི་གྲོང་པ་མ་ལུས་པ་དགའ་སྟོན་གྱི་ཕྱག་འཚལ་བ་ལ་ལྷགས་ཏེ། མར་ཀྲོག་ཕུལ་བ་སྐུ་མདུན་དུ་གངས་འཕྱུར་བ་ཙམ་བྱུང་ཞིང། རྒན་པ་འགའ་རེ་འདི་འདྲའི་སྐྱིད་སྩལ་བས་ངེད་རང་གི་རྟ་འབུལ་བ་ཞུ་ཞེས་སྨྲེང་བ་ལས་མཚོན་པའི་ཡིད་དགའ་བའི་དཔལ་གྱིས་ཁྱབ་པར་གྱུར་ཅིང། བཀའ་ལས་ཀྱང། རྗེ་བཙུན་སྒྲོལ་མའི་སྐུ་འདི་ལ་དིང་སང་ཚུན་ལ་བྱིན་རླབས་ཆར་འབེབས་མར་མཚན་གསོལ་ཏོ༎ ཞེས་གསུང་ཞིང། ཕྱིས་པཎ་ཆེན་རིན་པོ་ཆེ་ཞི་བའི་དབྱིངས་སུ་བཞུད་རྗེས་རྗེ་དབོན་ཤཱཀྱ་རྒྱལ་མཚན་པས། སྟག་ལུང་ཆོས་རྗེ་རྣམ་རྒྱལ་གྲགས་པ་ལ། གླང་ཐང་པ་དང་སྟག་ལུང་པའི་རྩོད་གླེང་ཞིག་གི་ཆེད་དུ་ཕུལ་ཏེ། དིང་སང་སྟག་ལུང་ན་བཞུགས་སྣང་བས་བདག་གིས་ཕྱག་མཆོད་སྨོན་ལམ་གྱི་སྐལ་བ་ཐོབ་བོ༎
དེ་ལྟར་ན་དབྱར་གྱི་དགག་དབྱེད་དང་དུས་མཚུངས་སུ་སྤྱན་སྔ་བློ་གྲོས་རྒྱལ་མཚན་པའི་ནང་རྟེན་གསེར་སྐུ་རྡོ་རྗེ་འཆང་ཇོvc: or: dze?ཚད་མ་དེ་ཉིད་ཀྱི་རབ་གནས་རྒྱས་པར་མཛད་རྗེས། ད་མི་ལ་ཡང་རབ་གནས་ཤིག་དགོས་པ་ཡོད་གསུང་ནས། པཎ་ཆེན་རིན་པོ་ཆེས་བཀའ་བཀོད་དང་ལེན་ཐམས་ཅད་མཛད་ནས། པཎ་ཆེན་རིན་པོ་ཆེ་རང་གིས་མཁན་པོ། གླང་ཐང་སྤྱན་སྔ་གྲུབ་རྒྱལ་བས་ལས་སློབ། རྗེ་ཀུན་དགའ་རྒྱལ་མཚན་པས་གསང་སྟོན་དང། ཆེན་པོ་ར་ཆུང་པ་ཡོན་ཏན་ཆོས་འཕེལ་བས་དུས་སྒོ་བ། རྗེ་བྲག་དམར་བ་ཀུན་དགའ་ཚེ་འཕེལ་བས་གྲོགས་དན་པ། སློབ་དཔོན་དྲུང་ནས་གྲགས་པ་བྱང་ཆུབ། ཉང་སྟོད་རབ་འབྱམས་པ་ལྷུན་གྲུབ་དཔལ་བཟང་པོ། ཤངས་སྟོན་སངས་རྒྱས་བློ་གྲོས། མངོན་པ་བ་གྲགས་པ་བཟང་པོ་སྟེ་བཞི་དང།